web counter
LEXO PA REKLAMA!

SHKARKO APP

App Store
Google Play

E fundit!

x

Lul Berisha del para gjykatës në Spanjë, kërkon të mos ekstradohet drejt Shqipërisë

2 Korrik 2024, 14:12, Aktualitet CNA
Lul Berisha del para gjykatës në Spanjë, kërkon të mos
Lulzim Berisha

Ish-kreu i bandës së Durrësit, Lulzim Berisha, ka dalë para gjykatës në Spanjë dhe ka kërkuar që të mos ekstradohet në Shqipëri me argumentin se i rrezikohet jeta për shkak të së shkuarës kriminale.

Ndërkohë prokuroria ka kërkuar dorëzimin e tij në mënyrë që Shqipëria ta gjykojë për ato dy sulme, por jo që të vuajë një dënim mbi 6 vjet.

Lul Berisha u arrestua në Spanjë vitin e kaluar, ku fshihej me letra bullgare.

Berisha u arrestua në vitin 2006 për aktivitetin kriminal të bandës së Durrësit të kryer në vitet 1998­-2000.

Ndaj tij u ngritën akuzat për veprat penale “Vrasjes me paramendim” të kryer në kuadër të “Grupit të Strukturuar Kriminal” dhe “Mbajtjes pa leje të armëve të zjarrit”. 16 anëtarë të kësaj bande u dënuan në total me 245 vjet burgim nga ish-Gjykata për Krimet e Rënda.

Fillimisht, Lul Berisha u dënua me burgim të përjetshëm, por në vitin 2014, Gjykata e Lartë doli me një vendim të formës së prerë që i zbuste dënimin dhe e detyronte atë të kryente vetëm 25 vite burg.

Në dhjetor të 2016-ës, ai u lirua nga burgu me kusht nga Gjykata e Shkallës së Parë në Durrës me pretendimet e shkaqeve shëndetësore.

Në vitin 2020, Lulzim Berisha u shpall në kërkim për dy vrasjet e kryera në vitin 2005 ndaj Vajdin Lames dhe Klodian Saliut, të cilat u zbardhën 15 vite më vonë.

Në të njëjtin vit, Gjykata e Lartë rrëzoi vendimin e lirimit të tij me kusht.

Më vonë, në janar të 2022-shit, Prokuroria e Durrësit kërkoi arrestimin e Lul Berishës për dënimin e pashlyer./CNA





Lajmet e fundit nga