web counter
LEXO PA REKLAMA!

SHKARKO APP

App Store
Google Play

E fundit!

x

Kosova shpall të mërkurën ditë zie për Ismail Kadarenë

2 Korrik 2024, 10:56, Kosova & Bota CNA
Kosova shpall të mërkurën ditë zie për Ismail
Ismail Kadare, foto e marrë nga Google

Kosova e ka shpallur të mërkurën ditë zie për ndarjen nga jeta të shkrimtarit të njohur Ismail Kadare. 

Lajmi është bërë i ditur nga Zyra e Presidencës së Kosovës.

Kolosi i letërsisë shqiptare u nda nga jeta në orët e para të së hënës në moshën 88-vjeçare nga shkaqe natyrale. 

Të martën dhe të mërkurën është ditë zie në Shqipëri, në shenjë nderimi dhe respekti në kujtim të shkrimtarit të njohur.

Nesër do të mbahen homazhe publike dhe ceremoni shtetërore te Teatri Kombëtar i Operës dhe Baletit në Tiranë, nga ora 9:00 deri në orën 11:00 dhe nga ora 11:30 deri në 12:30. Ndërkohë në orën 13:00 të së mërkurës çdo veprimtari do të ndërpritet dhe do të mbahet një minutë heshtje në nder të kolosit të letrave shqipe.

Kadare konsiderohet si një nga kolosët e letërsisë shqiptare. Autor i dhjetëra romaneve, poezive dhe eseve, ai është ndoshta ndër shqiptarët më të njohur në botë, me veprat e tij të përkthyera në mbi 40 gjuhë të ndryshme e të botuara anembanë.

Kadare ka qenë disa herë me radhë kandidat për çmimin "Nobel" për letërsinë, ndërkohë që janë të shumta vlerësimet prestigjioze ndërkombëtare për veprën e tij, si "International Booker Man Prize", "Prince of Asturias Award", "Jerusalem Prize", "Neustadt International Prize", "Nonino", "Park Kyong-ni"./CNA

 





Lajmet e fundit nga