web counter
LEXO PA REKLAMA!

SHKARKO APP

App Store
Google Play

Sot i jepet lamtumira e fundit Ismail Kadaresë, nisin homazhet te TKOB

3 Korrik 2024, 09:19, Aktualitet CNA

Nisin homazhet në Teatrin e Operës dhe Baletit për Ismal Kadarenë, shkrimtarin e njohur, i cili u nda nga jeta në orët e para të së hënës. 

Bashkëshortja Helena Kadare, dy vajzat e tij dhe familjarët ndodhen pranë arkëmortit. 

Ndërkohë shumë figura të njohura kanë marrë pjesë në këtë ceremoni. I pranishëm është edhe kryebashkiaku Erion Veliaj.

Homazhet do të vijojnë nga ora 9:00 deri në orën 11:00 dhe nga ora 11:30 deri në 12:30 për ndarjen nga jeta të shkrimtarit të njohur Ismail Kadare.

Ndërkohë në orën 13:00 çdo veprimtari do të ndërpritet dhe do të mbahet një minutë heshtje në nder të kolosit të letrave shqipe.

Qeveria shqitare shpalli të martën dhe mërkurën ditë zie kombëtare. 

Kolosi i letërsisë shqiptare ndërroi jetë në orët e para të së hënës në banesën e tij në Tiranë nga shkaqe natyrale.

Kadare konsiderohet si një nga kolosët e letërsisë shqiptare. Autor i dhjetëra romaneve, poezive dhe eseve, ai është ndoshta ndër shqiptarët më të njohur në botë, me veprat e tij të përkthyera në mbi 40 gjuhë të ndryshme e të botuara anembanë.

Kadare ka qenë disa herë me radhë kandidat për çmimin "Nobel" për letërsinë, ndërkohë që janë të shumta vlerësimet prestigjioze ndërkombëtare për veprën e tij, si "International Booker Man Prize", "Prince of Asturias Award", "Jerusalem Prize", "Neustadt International Prize", "Nonino", "Park Kyong-ni"./ CNA

 





Lajmet e fundit nga