web counter
LEXO PA REKLAMA!

SHKARKO APP

App Store
Google Play

Vetëhelmimi i qytetarit/ Reagon SPAK: Doli në oborr dhe nuk u kthye për përgjigje

2 Korrik 2024, 20:50, Aktualitet CNA
Vetëhelmimi i qytetarit/ Reagon SPAK: Doli në oborr dhe nuk u kthye
SPAK, burimi LSA

SPAK ka reaguar në lidhje me vetëhelmimin e qytetarit para godinës së këtij institucioni.

SPAK deklaron se qytetari Pal Trashaj ka kërkuar informacion për një çështje që i ka kaluar për kompetencë një prokurorie të përgjithshme në vitin 2022.

Sipas njoftimit, Trashajt i është kërkuar nga oficeri i informacionit të presë në oborr sa të kontaktojë hetuesin e çështjes, por ai nuk është kthyer më për përgjigje dhe ka pirë fostoksinë.

SPAK deklaron se për veprimin e tij u informua në momentin që erdhi ambulanca ndërsa garanton se do t’i përgjigjet në kohë çdo qytetari me korrektësi. 

Njoftimi i plotë:

Në lidhje me incidentin e sotëm të qytetarit Pal Trashaj të ndodhur jashtë Prokurorisë së Posaçme, institucioni ynë i uron z. Trashaj shërim të shpejtë! Sqarojmë se qytetari në fjalë është paraqitur tek oficeri i informacionit dhe ka kërkuar takim me një nga hetuesit e BKH-së për një çështje e cila pas verifikimeve ka rezultuar se i ka kaluar për kompetencë një prokurorie të juridiksionit të përgjithshëm që në vitin 2022.  Më pas oficeri i informacionit ka bërë me dije qytetarin të presë sa të njoftojë hetuesin e çështjes mbi kërkesën e tij. Ndërkohë që oficeri i informacionit ka marrë kontakt me hetuesin e çështjes, qytetari ka dalë jashtë në oborr, duke mos ardhur për të marrë përgjigje.  

Pas disa orësh, jashtë ambjenteve të SPAK, janë parë shërbimet spitalore të urgjencës dhe aty është mësuar rreth veprimit të ndërmarrë nga z. Trashaj.

Institucioni ynë ka bërë menjëherë verifikimet rreth këtij incidenti për të sqaruar çdo veprim të punonjësve të tij.

Prokuroria e Posaçme, garanton se do t’i përgjigjet në kohë çdo qytetari me korrektësi dhe në zbatim të ligjit për çështje që janë në kompetencën e saj./ CNA





Lajmet e fundit nga