web counter
LEXO PA REKLAMA!

SHKARKO APP

App Store
Google Play

E fundit!

x

Kush e vjedh Shqipërinë: SPAK-u, KLSH-ja apo qeveria?

26 Korrik 2024, 13:01, Aktualitet CNA
Kush e vjedh Shqipërinë: SPAK-u, KLSH-ja apo qeveria?
Fotomontazh - KLSH, SPAK dhe kabineti qeveritar

Në janar të këtij viti, CNA filloi raportimet se një skenar kriminal kishte filluar të gatuhej në korridoret e mazhorancës. (Lexo këtu)

Në fakt, informacionet e para kanë ardhur që në shtator të vitit të shkuar, ku nga burime konfidenciale CNA mësoi se Erion Veliaj deklaronte në tryezat politike se kishte mundur që t’i mbushte mendjen kryeministrit Edi Rama për të bërë disa lëvizje të shpejta politike me komisione apo nënkomisione, për të goditur SPAK-un dhe institucionet e pavarura, të cilat i krijonin problem qeverisë apo Bashkisë së Tiranës. 

Në atë kohë Veliaj kishte hall të shpëtonte drejtorët e tij. Komisionet morën kohën e tyre dhe tani ja ku jemi përballë këtij fakti, është ngritur Komisioni i Posaçëm Parlamentar me Fatmir Xhafajn, i braktisur totalisht nga ndërkombëtarët dhe opozita, ku enveristi i fundit vazhdon përsërit ato që ka në mendje dhe mendon se mund t’i kalojë me votat e opozitës. (Lexo këtu)

Kush e vjedh Shqipërinë: SPAK-u, KLSH-ja apo qeveria?
Fatmir Xhafaj dhe Erion Veliaj

Megjithëse ka mbetur me një monolog shterpë, Fatmir Xhafaj ka një mision të qartë, të godasë SPAK-un, të thërrasë në Apel institucionin që po lufton korrupsionin. (Lexo këtu)

Nga ana tjetër, po në atë kohë ne raportuam se ishte edhe Eduart Shalsi, i cili përgatiste terrenin për ngritjen e KPP-së dhe më pas do të ngrinte edhe ai nënkomision, shpikje për një institucion të pavarur kushtetues. (Lexo këtu)

Kush e vjedh Shqipërinë: SPAK-u, KLSH-ja apo qeveria?
Eduart Shalsi, burimi LSA

Kur një institucion i pavarur kushtetues bën detyrën e tij, ai shkon para Parlamentit dhe raporton. Më pas, nëse gjatë kohës ka dhënë vendime të caktuara apo rekomandime, siç është rasti i KLSH-së, janë gjykatat të cilat ndajnë të drejtën e palëve, por nuk po ndodh kështu.

SPAK-ut i bëhet një KPP, KLSH-së i bëhet një Komision i Posaçëm dhe kërkohet të shikohet veprimtaria e këtij institucioni, duke argumentuar emërimin, shkarkimin apo rekomandimin për emra të caktuar.

Hyrja e Parlamentit në emra të caktuar apo në çështje individësh është një gafë fatale. Parlamenti nuk mund të merret me “e lagu, s’e lagu”. Pasi janë dhënë vendimet nga KLSH-ja ajo është çështje e gjykatës, por dardha e ka bishtin mbrapa. Ashtu siç e theksuam për SPAK-un, ashtu po goditet KLSH-ja. 

Por pse e gjithë kjo luftë? A ka korrupsion në SPAK? A ka korrupsion në KLSH?

Në fakt, as SPAK-u dhe as KLSH-ja nuk kanë tenderë, nuk kanë buxhete, nuk kanë investime, nuk mbledhin të ardhura, nuk kanë tatime, nuk kanë dogana, nuk ndërtojnë rrugë, nuk bëjnë koncesione. Përkundrazi, KLSH-ja auditon në mënyrë administrative, ndërsa SPAK-u bën hetimet penale.

Kush e vjedh Shqipërinë: SPAK-u, KLSH-ja apo qeveria?
SPAK

Pra, janë dy institucione, njëri apo tjetri, të lidhur ose jo, të cilët luftojnë korrupsionin. Kjo është detyra e tyre. KLSH i dërgon raportet në prokurori në rastet kur e vlerëson të arsyeshme siç e përcakton ligji, ndërsa SPAK-u fillon hetimet direkt edhe pa pasur raporte nga KLSH-ja, apo vetëm me indicie, sepse kështu e përcakton sërish ligji. (Lexo këtu)

Halli i qeverisë nuk janë lufta ndaj korrupsionit dhe integrimi në BE, por janë dy institucionet, të dyja të pavarura, të cilat nuk i kap dot dhe nuk i ka nën kontroll.

Prandaj lind pyetja: Kush e bën korrupsionin, e bëjnë SPAK-u dhe KLSH-ja apo e bën qeveria?

Kush e vjedh Shqipërinë: SPAK-u, KLSH-ja apo qeveria?
KLSH

Në fakt, të dyja institucionet e pavarura janë për të luftuar korrupsionin në qeveri, jo vetëm në qeverisjen qendrore, por edhe në qeverisjen lokale, të cilat janë institucionet buxhetore që marrin miliona euro, miliarda lekë nga buxheti i shtetit për t’i mirëpërdorur, por në fakt i keqpërdorin.

Për këtë ekziston KLSH-ja dhe nga ana tjetër është edhe SPAK-u që bën hetimet penale për korrupsionin. Por të dyja institucionet tani po përballen me një betejë të tyre me Parlamentin, betejë e shpikur nga mazhoranca, me kërkesën e Erion Veliajt, flamurtar i së cilës është Fatmir Xhafaj. (Lexo këtu)

Ky i fundit është deputeti i dosjes “5D”, i cili ka dalë deputetet dhe ka shkuar në Parlament me mbështetjen e drejtorëve hajdutë të Erion Veliajt. (Lexo këtu)

Kush e vjedh Shqipërinë: SPAK-u, KLSH-ja apo qeveria?
Enver Hoxha dhe Fatmir Xhafaj

Në betejën e socialistëve është i përfshirë edhe Eduart Shalsi, idioti “i dobishëm” i socialistëve, i cili deklaronte se do të vidhte ndryshe, tani kërkon të hetojë të pahetueshmen. Pra, të marrë raportet e KLSH-së dhe t’i vlerësojë Parlamenti, kur në fakt vetëm gjykata dhe prokuroria mund t’i japin të drejtë apo t’i rrëzojnë. (Lexo këtu)

Jemi përballë faktit se instrumentet kryesore të hajdutërisë së pushtetit dhe vetë pushteti i hajdutëve po kërkojnë të luftojnë dy institucionet e pavarura, siç janë SPAK-u apo KLSH-ja.

Kush e vjedh Shqipërinë: SPAK-u, KLSH-ja apo qeveria?
Kryeministria

Ky është një sinjal mjaft i keq sepse edhe ishujt e fundit që kishin mbetur të papushtuar nga qeveria, tashmë te njëra shkon të ngulë çadrën enveristi i fundit, Fatmir Xhafaj, te tjetra tenton Shalsi me mandolën e tij duke kujtuar se mund të godasin institucionet e pavarura dhe t’i pushtojnë. (Lexo këtu)

Qëllimi final është keqpërdorimi i tyre në zgjedhjet e ardhshme parlamentare, apo më keq akoma tentativa për të ndalur luftën ndaj korrupsionit, kallëzimet nga KLSH-ja për hajdutët e Rilindjes dhe hetimet e SPAK-ut për ministrat, deputetët dhe batërdinë që kanë bërë zyrtarët e lartë të shtetit shqiptar./ CNA





Lajmet e fundit nga