E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

“AKSHI, gropa më e madhe e korrupsionit”/ Klodian Tomorri: Fatura 500 milionë euro, shpenzime pa kontroll

25 Korrik 2024, 19:29, Aktualitet CNA

AKSHI

Gazetari Klodian Tomorri ka folur ka komentuar deklaratat e ish numrit dy të qeverisë, Arben Ahmetaj në një intervistë që pritet të jepet të hënën në datë 29 korrik në emisionin e Çim Pekës.

Gazetari thekson se, Ahmetaj po konfirmon akuzat e bëra deri më tan inga opozita në lidhje me aferat korruptive dhe tenderët korruptivë duke filluar nga AKSHI, Eco Park apo edhe të tjera.

Tomorri tha se AKSHI është gropa më e madhe korruptive që deri më sot ka një faturë 500 milionë euro që rritet nga muaji në muaj dhe janë shpenzime që kryhen pa kontroll.

“Këto tendera korruptiv tek AKSHI, Eco Parku, apo të tjera, Arben Ahmetaj është dëshmitar në vetë të parë dhe ka qenë aty.

Nëse flasim për AKSHI-n është një nga gropat më të mëdha në mos më e madhja e korrupsionit në Shqipëri e cila deri më sot ka një faturë 500 mln euro dhe rritet nga muaji në muaj dhe janë shpenzime që kryhen pa asnjë kontroll.

Tendera që janë gostitur tek një grusht kompanish me lidhje të dyshimta dhe me indicie që kanë lidhje të drejtpërdrejtë me njerëz afër kryeministrit. Nëse do të kthehemi disa kohë më parë në një takim që e organizonte Dhoma e Biznesit e Izraelit kanë qenë të ftuar dy persona si përfaqësues të kompanisë Advance Bisnes Solution, e cila ka qenë disa muaj më parë, një nga kontraktorët më të mëdhej të AKSHIt dhe ajo shuma prej 40 e ca milionë euro janë tenderat që ka marrë kjo kompani nga AKSHI.

Janë prezantuar si pronarë të Advance Bisnes Solution, pronari që rezulton me letra dhe personi tjetër, baxhanaku i kryeministrit të Shqipërisë. Që nga ajo kohë është denoncuar dhe tani ne kemi një konfirmim të këtyre indicieve si të vërteta, nga dëshmitë që jep Arben Ahmetaj si dëshmitar.

Gjithë këto dyshime, gjithë ky lum miliardash që ka kaluar tek AKSHI si ka mundësi që ajo agjenci nuk vihet nën hetim dhe nuk hetohet për asgjë”, tha Tomorri./ CNA