web counter
LEXO PA REKLAMA!

SHKARKO APP

App Store
Google Play

E fundit!

x

Abuzimet me tenderët/ Apeli i GJKKO-së kthen në qeli biznesmenin Ervis Lami

25 Korrik 2024, 10:10, Aktualitet CNA
Abuzimet me tenderët/ Apeli i GJKKO-së kthen në qeli biznesmenin
SPAK

Të enjten, Apeli GJKKO-së ka rikthyer në qeli biznesmenin Ervis Lami, ndaj të cilit Gjykata e Posaçme më 14 qershor, kishte zbutur masën e sigurisë duke e lënë nga "arrest me burg" në "arrest shtëpie".

"Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtare Saida Dollani, sot më 25.07.2024, shpalli vendimin mbi çështjen penale nr. 160 akti, datë 17.07.2024 regjistrimi, mbi ankimin e Prokurorisë së Posaçme kundër Korrupsionit dhe Krimit të Organizuar, me objekt: 'Ankim ndaj vendimit nr. 312, datë 13.06.2024 të Gjykatës së Posaçme të Shkallës së Parë për Korrupsionin dhe Krimin e Organizuar', ndaj shtetasit nën hetim E.L., disponuar në lëndë të masave të sigurimit personal, dhe vendosi: Ndryshimin e vendimit nr. 312, datë 13.06.2024 të Gjykatës së Posaçme të Shkallës së Parë për Korrupsionin dhe Krimin e Organizuar në pikën e disponimit për zëvendësimin e masës së sigurimit personal si më poshtë: Vazhdimin e masës së sigurimit personal me karakter shtrëngues 'arrest në burg' parashikuar nga neni 238 i K.Pr.Penale, e caktuar me vendimin nr. 21, datë 13.03.2024 të Gjykatës së Posaçme të Shkallës së Parë për Korrupsionin dhe Krimin e Organizuar, ndaj personit nën hetim E.L." - njofton Apeli i GJKKO-së.

Pas arrestimit të Evis Berberit, kreut të ARRSH-së, u vunë në pranga edhe dy miqtë e tij, Valter Begaj dhe Ervis Lami.

Këta të fundit janë administratorë të kompanisë "B-VAAL", "ENG-10", tani "DAAM".

Sipas akuzës, Evis Berberi gjatë kohës që ka qenë në krye të Agjencisë për Eficiencën e Energjisë dhe në krye të Autoritetit Rrugor Shqiptar u ka dhënë 6 tenderë në mënyrë të jashtëligjshme këtyre kompanive./CNA 





Lajmet e fundit nga