web counter
LEXO PA REKLAMA!

SHKARKO APP

App Store
Google Play

E fundit!

x

Gjergj Luca iu tregon gazetarëve të njohur italianë Shqipërinë: Vend i mrekullueshëm, fenomen

24 Korrik 2024, 22:15, Aktualitet CNA
Gjergj Luca iu tregon gazetarëve të njohur italianë
Gjergj Luca me dy gazetaret italianë

Biznesmeni dhe sipërmarrësi Gjergj Luca u ka treguar bregdetin e Shqipërisë dy gazetarëve të njohur italianë të cilët kanë mbetur të befasuar nga bukuritë, mikpritja dhe ushqimi.

Dy gazetarët italianë kanë treguar përshtypjet e tyre, duke thënë se miti se Shqipëria është renditur në majat e listave të vendeve turistike nuk është më i tillë, por është mëse e vërtetë.

“Faleminderit që na njohët me këtë vend të mrekullueshëm. Unë jam Marzio Mian, jam gazetar dhe shkrimtar italian.Jemi këtu për të një vizitë në bregdet dhe për të treguar për fenonenin Shqipëri.Është një fenomen botëror, është në majat e renditjes të vendeve turistike dhe kemi ardhur për të vërtetuar nëse ky mit është i vërtetë”, ka thënë gazetari Marzio Mian.

Nga ana tjetër, Luca ka falenderuar pronarët e hoteleve që nuk kanë abuzuar me çmimet, pas kritikave të shumta që ka bërë për çmimet e kripura në Jug të vendit.

Pjesë nga biseda me gazetarët italianë:

Luca: Unë sot kam fatin që të shoqëroj dy nga gaztearët më me zë të Europës, zotin Marzio dhe mikun e tij gazetar për një vizitë në të gjithë bregun e Shqipërisë.

Ju lutem prezantohuni për miqtë tanë!

Marzio: Faleminderit që na njohët me këtë vend të mrekullueshëm. Unë jam Marzio Mian, jam gazetar dhe shkrimtar italian.Jemi këtu për të një vizitë në bregdet dhe për të treguar për fenomenin Shqipëri.Është një fenomen botëror, është në majat e renditjes të vendeve turistike dhe kemi ardhur për të vërtetuar nëse ky mit është i vërtetë.

Luca: Është apo jo i vërtetë?

Marzio: Është mëse i vërtetë. Mikpritje, simpati…..

Nikola: Jam Nikola, gazetar. Kam dëgjuar kaq shumë të flitet për Shqipërinë dhe është hera e parë që vij dhe falë Gjergjit po zbuloj një vend të mrekullueshëm që ka kaq shumë për të ofruar dhe me një mikrpitje shumë të madhe, me ushqim të mirë dhe det të mrekullueshëm.

Luca: Unë dua të falenderoj të gjithë ata pronarë hotelesh që kanë pasur veshë të dëgjojnë për hotelin që ne jemi këtu, hoteli i Kizës nga Elbasani, hoteli ri i mrekullueshëm që ka ofruar dhomat me 80-90 euro dhe është një hotel që i meriton 5 yjet. Falenderoj shumë miqtë tanë për këtë vizitë dhe fjalët që thanë për Shqipërinë.  Shumë faleminderit për përshtypjet tuaja dhe fjalët që thatë për vendin tim. Faleminderit!/ CNA





Lajmet e fundit nga