web counter
LEXO PA REKLAMA!

SHKARKO APP

App Store
Google Play

E fundit!

x

AKU reagon më në fund, konfirmon denoncimet e Muçollarit

24 Korrik 2024, 19:41, Aktualitet REDAKSIONALE
AKU reagon më në fund, konfirmon denoncimet e Muçollarit
Anëtari i kryesisë së PD, Grigels Muçollari

Anëtari i kryesisë së PD, Grigels Muçollari është në një fushatë denoncimesh këto ditë, lidhur me mungesën e sigurisë ushqimore.

Ai ka sjellë në vemendjen e publikut raste konkrete ku qeveria, përmes Agjensisë Kombëtare të Ushqimit, ka dështuar të kryejë punën e saj, duke lejuar produkte të rrezikshme në treg e që përfundojnë tek konsumatorët.

Një nga këto raste, është ai i biskotave me copëza metali. Me 29 shkurt, sistemi RASFF i Komisionit Europian, ka dhënë alarmin për një sasi biskotash që kanë hyrë në Shqipëri, të dëmshme, me copëza metali.

AKU ka bërë një reagim, ku e pranon këtë moment. Dhe, për më tepër, i jep edhe më shumë të drejtë shqetësimit të ngritur nga Muçollari, pasi thotë se pas kontrolleve të ushtruara nuk i gjetën biskotat as tek magazinat e tregtarit, as te raftet ku shiten.

Atëherë, ku kanë shkuar këto biskota?Këto biskota rezulton që janë shitur.Me këtë reagim, AKU vetëdenoncohet dhe shton më shumë përgjegjësinë e saj para ligjit.

Ajo ka dështuar të kryejë detyrën e saj, që është komunikimi efektiv me publikun në rastët kur ka një alert, dhe ndalimin e shitjes së produktit në fjalë.

I pyetur nga redaksia, Muçollari u shpreh se do të vijojë me denoncime të tjera këto ditë, që nxjerrin në dritë dështimin e qeverisë dhe AKU për të ofruar sigurinë ushqimore e për të mbrojtur konsumatorët.

Muçollari thotë se PD e sheh këtë si çështje të sigurisë kombëtare, dhe jo vetëm do të kërkojë përgjegjësi para ligjit për ata që nuk e kanë kryer detyrën, por ai do të angazhohet maksimalisht për të ofruar zgjidhje një herë e mirë për këtë element kaq të rëndësishëm të jetës dhe shëndetit të shqiptarëve./ CNA





Lajmet e fundit nga