web counter
LEXO PA REKLAMA!

SHKARKO APP

App Store
Google Play

E fundit!

x

Bujar Leskaj, ironi therëse në Kuvend/ "Kali dhe gomari, poezia më e bukur për qeverinë"

25 Korrik 2024, 18:04, Aktualitet CNA
Bujar Leskaj, ironi therëse në Kuvend/ "Kali dhe gomari, poezia
Deputeti i PD-së, Bujar Leskaj

Deputeti i PD-së, Bujar Leskaj ka ironizuar qeverinë Rama. Gjatë senacës së Kuvendit ai u ka lexuar një poezi të shkrimtarit Dritëro Agolli, Kali dhe Gomari.

Sipas Leskajt, kali janë punonjësit e ndershëm të administratës ndërsa gomari janë patronazhistët, falë të cilëve është sot në pushtet Rama.

Deputeti është shprehur se qeveria Rama ka një armatë me të paaftë që janë patronazhistët.

“Po anashkaloni armatën e të paaftëve atë të patronazhistëve dhe flisni për administratën Ka plot të paaftë dhe patronazhistë. Për t’iu relaksuar, do ju lexoj, do deklamoj një poezi të poetit që ju e keni simbol.

Kali dhe Gomari

Kali janë punonjësit e ndershëm të administratës dhe gomari janë patronazhistët se ata ju mbajnë në pushtet.

Kalonin në një shteg të ngushtë mali,

gomari para, pas gomarit kali.

Të dy ngarkuar me thasë mirë,

nga vapa të munduar e djersirë.

 

Fshatari donte shpejt në fshat të arrinte,

ndaj kalit vitheve me shkop i binte.

Por kali më në fund durimin humbi,

e ngriti bishtin dhe samarin tundi.

 

Hej mbaj dorën se pastaj ta hedh përdhe samarin,

ti para meje pse ma nxjerr gomarin?

E nga të vete s'di fare unë i ngrati,

kur rrugën ma ka zënë veshgjati.

 

Përpara nxirrmë mua të mos vuash,

dhe rrih pastaj gomarin sa të duash.

Kështu e ka kjo botë e mjerë e marrë,

Përpara nxjerrin veç gomarë.

Kjo është poezia më e bukur për qeverinë Rama dhe për këtë administratë që ka krijuar qeveria Rama”, tha Leskaj./ CNA





Lajmet e fundit nga