web counter
LEXO PA REKLAMA!

SHKARKO APP

App Store
Google Play

E fundit!

x

Ivi Kaso i “përvishet” Alibeajt/ “Qetësohu, nuk ka falje mandatesh në tavolinë”

25 Korrik 2024, 15:32, Aktualitet CNA
Ivi Kaso i “përvishet” Alibeajt/ “Qetësohu, nuk ka
Përfaqësuesi ligjor i PD-së, Ivi Kaso

Përfaqësuesi ligjor i PD-së, Ivi Kaso,  i është kundërpërgjigjur Enkelejd Alibeajt, në lidhje me deklaratën e tij se me Reformën Zgjedhore po i falin mandatin e katërt kryeministrit Edi Rama.

Kaso u shpreh se, asgjë nuk ka ndryshuar në draftin e djeshëm në mënyrën e përllogaritjes së mandateve për forcat politike, ose të shpërndarjes së mandateve të forcave politike.

Sipas Kasos, të gjitha teoritë konspirative në lidhje me të gjitha presjet dhjetore të cilat cenojnë një mandat, apo interesin e një force politike ndaj një force politike tjetër, janë parashikime teknike që kanë të bëjnë vetëm me mënyrën e përllogaritjes së pjesës së hapur dhe të mbyllur të listës brenda listës së vetme të një force politike.

Pra, Kaso thekson se, nuk ndryshon asgjë në mënyrën e përllogaritjes së mandateve, nuk ndryshon asgjë në shpërndarjen e mandateve të forcave politike sipas rezultatit që ata kanë marrë në zgjedhje.

“Shumë shkurt për të iu rikthyer çështjes së pabarazisë së votës. Është një çështje që nuk është adresuar dhe nuk merr zgjidhje me draftin i cili u dakordësua në komisionin e ligjeve dhe i dërgohet kuvendit për miratim.

Çështja e pabarazisë së votës ka qenë shqetësim i hershëm i opozitës dhe një nga pikat kryesore që synohej të çohej nëpërmjet platformës që opozita nëpërmjet PD, paraqiti në tryezën e grupit të dialogut. Do të adresohej në mënyrë të plotë kjo çështje nëpëmjet ndryshimeve radikale të atyre elementëve që një reformë zgjedhore të bëhej reformë në mënyrë të vërtetë.

Adresimi i çështjes së ndryshimit të sistemit, ose të paktën diskutim mbi elementë thelbësor të sistemit që kemi. Të gjitha çështjet, u refuzuan edhe të diskutoheshin nga PS. Ishin çështje që nuk mundën të diskutoheshin sot dhe aq më pak të merrnin zgjidhje, por ngelen në krye të agjendës sonë, ku PD do të kërkojë me forcë një reformë të vërtetë të sistemit zgjedhor.

Dëgjova dhe akuza nga njerëz që kanë edhe një farë eksperience zgjedhore, lidhje me faljen e mandateve njërës forcë politike apo tjetrës në tryezën e grupit të dialogut. Dua të theksoj se asgjë nuk ka ndryshuar në draftin e djeshëm në mënyrën e përllogaritjes së mandateve për forcat politike, ose të shpërndarjes së mandateve të forcave politike.

Të gjitha teoritë konspirative në lidhje me të gjitha presjet dhjetore të cilat cenojnë një mandat, apo interesin e një force politike ndaj një force politike tjetër, dua të sqaroj të gjithë ata që na ndjekin dhe nuk e kanë lexuar draftin, që janë parashikime teknike që kanë të bëjnë vetëm me mënyrën e përllogaritjes së pjesës së hapur dhe të mbyllur të listës brenda listës së vetme të një force politike.

Pra nuk ndryshon asgjë në mënyrën e përllogaritjes së mandateve, nuk ndryshon asgjë në shpërndarjen e mandateve të forcave politike sipas rezultatit që ata kanë marrë në zgjedhje. Të qetëson të gjithë ata që kanë bërë aludime të tilla, se në këtë aspekt asgjë nuk ka ndryshuar”, u shpreh Kaso në deklaratë për mediat./ CNA





Lajmet e fundit nga