web counter
LEXO PA REKLAMA!

SHKARKO APP

App Store
Google Play

E fundit!

x

Shtyhet për në 12 shtator seanca për 'Sterilizimin'

26 Korrik 2024, 10:07, Aktualitet CNA
Shtyhet për në 12 shtator seanca për 'Sterilizimin'
SPAK

Shtyhet për në datën 12 shtator seanca paraprake e “Sterilizimit” për shkak të mungesës së një avokati.

I pranishëm në seancë sot ishte ish-ministri i Shëndetësisë, Ilir Beqja, i cili u arrestua pak javë më parë për hetimet që po kryhen për SASPAC për abuzimet me fondet e BE-së. 

Në seancën e sotme ai u shpreh se aktet e sjella në gjykim përmbajnë të pavërteta. 

Ky i fundit kërkoi që të bënte një deklaratë për aktet procedurale që lidhen me hetimin tjetër, por gjykata e ndërpreu, pasi në këtë seancë nuk mund të kryhej më veprim për shkak të mungeses së një avokati të të pandehurit.

Kjo është hera e katërt që shtyhet seanca paraprake për çështjen e “Sterilizimit”. 

Më 15 mars SPAK përfundoi hetimet për koncesionin e sterilizimit. Prokuroria e Posaçme u komunikoi akuzat 8 të pandehurve që akuzohen për abuzime me këtë koncesion. 

9 të pandehurit bashkë me ish-ministrin janë: Saimir Kadiu, Marsela Serjanaj, Arben Gjata, Naile Ajazi, Genc Byrazeri, Petro Mersini, Klodian Rjepaj dhe Ilir Rrapaj.

Pas kallëzimit të bërë nga “Nisma Thurje” në dhjetor të vitit 2019, Prokuroria e Posaçme ka ngritur akuza ndaj personave, si të përfshirë për veprat penale “falsifikim i dokumenteve”, “mashtrim” dhe “shpërdorim detyre”.

Pas hetimeve gjykata ka dhënë masat “arrest me burg” për ish-zv.ministrin e Shëndetësisë, Klodian Rjepaj dhe biznesmenin Ilir Rrapaj. Ky i fundit akuzohet për mashtrim. 

Ndërsa, Rjepaj akuzohet për “mashtrim”, “falsifikim i dokumenteve” dhe “shpërdorim detyre”./CNA 

 





Lajmet e fundit nga