web counter
LEXO PA REKLAMA!

SHKARKO APP

App Store
Google Play

E fundit!

x

Ndryshimet në Kodin Zgjedhor/ Kaso: Vota e Diasporës u bë e mundur nga propozimi i PD

25 Korrik 2024, 22:22, Aktualitet CNA
Ndryshimet në Kodin Zgjedhor/ Kaso: Vota e Diasporës u bë e
Ivi Kaso

Përfaqësuesi ligjor i PD-së, Ivi Kaso ka folur për ndryshimet në Kodin Zgjedhor të miratuara një ditë më parë në Komisionin e Ligjeve.

Kaso theksoi se opozita kishte kauzën kryesore votën e emigrantëve dhe falë propozimit të bërë nga PD, shqiptarët që jetojnë jashtë kanë mundësi të votojnë.

“Opozita është angazhuar në një ushtrim në kushtet kur reforma zgjedhore në të gjithë komponetët e saj të rëndësishëm dështoi dhe dështoi për një vullnet fare të qartë të mazhorancës personalisht të Edi Ramës i cili refuzoi që edhe në mekanizmin e ngritur me konsensus që ishte grupi i dialogut të diskutonte çështje që janë me rëndësi jo vetëm për opozitën por për shqiptarët për mënyrën se si do të adresoheshin në zgjedhjet e ardhshme, atëherë detyrimi i vetëm që i lindte Kuvendit dhe opozitës ishte të bëntë ç’ishte e mundur që dy vendimet e Gjykatës Kushtetuese të merrnin atë përkthimin ligjor më të mirë të mundshëm.

E para ishte një kauzë e opozitës e ngritur me forcë të paktën që nga viti 2016 që ka të bëjë me votën e diasporës, dhe për fat të mirë ishte insistimi i opozitës që prodhoi një mekanizëm që u përkthye në ligj dhe do u garantojë të gjithë shtetasve shqiptarë me banim të përhershëm jashtë vendit por edhe për atyre që për arsye pune, studimore, shërbimi ushtarak apo diplomatik, arsye shëndetësore etj. gjenden në një periudhë të caktuar jashtë vendit që përkon me periudhën zgjedhore, të votojnë pa pengesa artificiale që paraqiste drafti i PS, që ishte vetëm një formë për të bërë sikur plotësohej detyrimi që buronte nga GjK dhe nga ana tjetër të lejonte të votonin një grup shumë të vogël të shqiptarëve të regjistruar sipas parashikimeve që ligji i bërë nga Edi Rama dhe ministria e Brendshme kishte vendosur që të regjistronte.

Ne e hapëm këtë spektër dhe e shtrimë te të gjithë shqiptarët duke zgjedhur parimin që të gjithë shtetasit shqiptarë që banojnë apo për një periudhë të caktuar kohore ndodhen jashtë vendit kanë të njëjta të drejta si shtetasi shqiptarë, çka nuk po merr vëmendjen që meriton, një fitore të madhe të opozitës dhe qytetarëve shqiptarë.

Versioni i propozuar nga PD bën të mundur të gjithë këtë pjesën e votës së diasporës”, tha Kaso./ CNA

 





Lajmet e fundit nga