web counter
LEXO PA REKLAMA!

SHKARKO APP

App Store
Google Play

Mbështetja e SHBA-ve për SPAK-un, një leksion për Xhafajn

18 Korrik 2024, 20:24, Aktualitet CNA
Mbështetja e SHBA-ve për SPAK-un, një leksion për Xhafajn
Fotomontazh - Fatmir Xhafaj, në sfond SPAK

CNA ka raportuar që prej janarit të këtij viti skemën e mazhorancës, me në krye Fatmir Xhafajn, kundër SPAK-ut, me gjoja një reformë në emër të integrimit në BE. (Lexo këtu)

Xhafaj ka dalë hapur për këtë skemë të propozuar nga kryebashkiaku i Tiranës, Erion Veliaj, që ka alarmuar ndërkombëtarët.

Xhafaj ka sulmuar publikisht SPAK-un, por ka marrë një “shuplakë” nga SHBA. (Lexo këtu)

Komisioni i posaçëm që ai drejton është bojkotuar nga ndërkombëtarët, të cilët nuk kanë ngurruar asnjëherë të shprehin mbështetje për SPAK-un.

Ambasada amerikane, ambasada britanike, por edhe ajo e BE-së kanë deklaruar herë pas here se mbështesin SPAK-un dhe luftën ndaj korrupsionit e krimit të organizuar.

Edhe të martën, pas sulmit të Xhafajt në Kuvend për SPAK-un, ambasada e SHBA-së doli me një mesazh të qartë. (Lexo këtu)

Ambasada e SHBA-së doli kundër Xhafajt, duke theksuar se është krah SPAK-ut dhe drejtuesit të këtij institucioni, Altin Dumani. (Lexo këtu)

Mbështetja e SHBA-ve për SPAK-un, një leksion për Xhafajn
Fatmir Xhafaj, burimi LSA

Edhe në raportin e Departamentit amerikan të Shtetit, të publikuar këtë të enjte, nënvizohet mbështetja e SHBA-ve dhe BE-së për SPAK-un. (Lexo këtu)

Në raportin e DASH thuhet se ata kanë pritshmëri për suksesin e SPAK-ut.

Kështu DASH tregoi edhe njëherë se qëndrimi i ndërkombëtarëve nuk do të ndryshojë për Prokurorinë e Posaçme.

Këto deklarata të njëpasnjëshme të SHBA-së janë një leksion i qartë për Fatmir Xhafajn./ CNA





Lajmet e fundit nga