web counter
LEXO PA REKLAMA!

SHKARKO APP

E fundit!

x

Vendimi i Kushtetueses për ligjin e studentëve/ Deputetja e PD-së zbulon lëvizjen

18 Korrik 2024, 14:14, Aktualitet CNA
Vendimi i Kushtetueses për ligjin e studentëve/ Deputetja e PD-së
Dhurata Çupi, deputete e PD

Gjykata Kushtetuese rrëzoi qeverinë për ligjin e studentëve të Mjekësisë, duke hequr disa kufizime për studentët e kësaj dege.

Deputetja Dhurata Çupi, pas zbardhjes së vendimit të Gjykatës Kushtetuese, në cilësinë e kryetares së Këshillit të Legjislacionit ka kërkuar mbledhjen e Këshillit me qëllim marrjen e masave për zbatimin e vendimit të Gjykatës Kushtetuese.  

Këshilli për Legjislacionin ka vendosur që shqyrtimi i projektligjit t'i kalojë menjëherë komisionit parlamentar të Ligjeve, dhe më pas seancës plenare për votim.

Grupi Parlamentar i Partisë Demokratike propozon që periudha për mbajtjen peng të diplomave të studentëve të Mjekësisë, prej 5 vitesh të zerohet dhe mjekët të zgjedhin lirisht vendin ku duan të ushtrojnë profesionin e tyre.

“Menjëherë pas zbardhjes së vendimit të Gjykatës Kushtetuese për studentët e Mjekësisë, në cilësinë e kryetares së Këshillit të Legjislacionit kam kërkuar mbledhjen e Këshillit me qëllim marrjen e masave për zbatimin e këtij vendimi.

Ditën e sotme, Këshilli për Legjislacionin ka vendosur që shqyrtimi i projektligjit t'i kalojë menjëherë komisionit parlamentar të Ligjeve, dhe më pas seancës plenare për votim.

Ndërkohë që mazhoranca vazhdon të këmbëngulë që periudha pas studimeve gjatë të cilës mjekët e rinj janë të detyruar të punojnë në Shqipëri të jetë 3 vite, Grupi Parlamentar i Partisë Demokratike propozon që kjo periudhë të zerohet dhe mjekët e sapodiplomuar të zgjedhin lirisht vendin ku duan të ushtrojnë profesionin e tyre.

Nëse qeveria dëshiron sinqerisht që mjekët e rinj të jetojnë dhe punojnë në Shqipëri, kjo nuk bëhet me masa shtrënguese e penalitete, por duke përmirësuar ndjeshëm kushtet e tyre të punës dhe trajtimin financiar”, tha deputetja Dhurata Çupi./ CNA

 





Lajmet e fundit nga