web counter
LEXO PA REKLAMA!

SHKARKO APP

App Store
Google Play

E fundit!

x

Tritoli në Elbasan/ Dy motrat akuzuan Nuredin Dumanin, policia identifikon autorin

18 Korrik 2024, 13:33, Aktualitet CNA

Tritoli në Elbasan/ Dy motrat akuzuan Nuredin Dumanin, policia identifikon

Detaje të reja kanë dalë nga shpërthimi me tritol që ndodhi pak ditë më parë në banesën e dy motrave në Elbasan, Alda dhe Xhovana Nikolli.

Nga shpërthimi mbeti i plagosur fqinji 26-vjeçar. 

Raportohet se një person me precedentë të mëparshëm, është fiksuar nga kamerat e sigurisë, duke lëvizur në zonë, shumë afër pallatit ku jetonin motrat Alda dhe Xhovana Nikolli në Elbasan. Policia ka identifikuar personin e dyshuar, por për arsye hetimi, emri i tij nuk bëhet i ditur.

Në lidhje me ngjarjen e rëndë, Alda Nikolli ka akuzuar të penduarin e drejtësisë, Nuredin Dumanin, me të cilin njëra prej tyre dy muaj më parë kishte nisur një romancë. Ajo tregon se me të penduarin e drejtësisë kishte krijuar një marrëdhënie prej 2 muajsh, krisja e së cilës pasoi me kërcënime. Sipas saj gjithçka erdhi pasi e dashura e Dumanit mori vesh për lidhjen.

“Nuredin Dumanin e kam njohur nëpërmjet kunatit tim Amarildo Xhanejt (Nikolli), që ndodhet në burgun 313. Mendova që donte të njiheshim, por paska pasur qëllim të na përdorë si mua dhe motrën time Xhovanën. Unë nuk e dija që Nuredini kishte të dashur jashtë, Mirjetën, e cila më kërcënoi, më tha më fakto që flet me Nuredinin. Kur ja faktova me një voice, 5 minuta më vonë Nuredini më mori në telefon dhe më kërcënoi. Më pas bllokoi adresat, më la të qetë dy ditë e pastaj veproi”, tha ajo. 

Ajo tregoi më tej se brenda 1 jave Nuredin Dumani ka dhunuar në burg kunatin e saj Amarildo Xhanejn. 

“Më ka kërcënuar me Amarildon, e ka rrahur dy herë në burg brenda 1 jave e gjysmë”, shprehet ajo.

Sipas Alda Nikollit, Nuredin Dumanin nuk e pengojnë muret e qelisë për të vijuar aktivitetin kriminal.

“Jo më larg se para ca ditësh i vuri gjobë Amarildo Nikollit 400 mijë euro, e ka detyruar të pranojë gjëra që s'i ka bërë me presion. Do t’i vinte gjobë dhe Dakut, Leonard Luzit. Ai kështu jeton duke u vënë gjoba njerëzve sepse nuk ka lekë”, shprehet ajo.

Për të gjitha këto ajo i është drejtuar policisë dhe SPAK-ut, por shprehet se deri më tani nuk ka gjetur mbështetje në asnjë institucion. 

“Kam shkuar në SPAK dhe në Policinë e Elbasanit, nuk ka shans të bëj një denoncim ndaj Nuredin Dumanit. Në SPAK më thanë ka dashur të të trembë jo të të vrasë, s'e di mbase këtë radhë edhe e arrin”, tha ajo./CNA 





Lajmet e fundit nga