web counter
LEXO PA REKLAMA!

SHKARKO APP

App Store
Google Play

E fundit!

x

Kisha Orthodhokse kundërshton censin/ “Nuk pasqyron realitetin, shumë besimtarë s’janë regjistruar”

18 Korrik 2024, 17:06, Aktualitet CNA
Kisha Orthodhokse kundërshton censin/ “Nuk pasqyron realitetin,
Kisha Orthodhokse Autoqefale e Shqipërisë

Kisha Orthodhokse Autoqefale e Shqipërisë ka dalë me një reagim në lidhje me rezultatin e censit 2023.

Kisha Orthodhokse Autoqefale thotë se censi i popullsisë nuk pasqyron në të vërtetë realitetin, duke theksuar se qyetarët nuk janë pyetur në shumë raste për përkatësinë fetare.

Në deklaratë thuhet se një numër i madh besimtarësh nuk u intervistuan për përkatësinë fetare, pasi nuk u vizituan nga asnjë regjistrues.

Kisha Orthodhokse Autoqefale thekson se sipas regjistrave të pagëzimeve, numri i të krishterëve orthodhoksë është shumë herë më i madh nga sa rezulton në cens.

Deklarata e plotë:

Rezultati i Censit 2023, në lidhje me përqindjen e numrit të të krishterëve orthodhoksë, nuk pasqyron në të vërtetë realitetin. Kjo ka ndodhur për disa arsye, ndër të cilat do të përmendim disa:

Regjistruesit, në shumë raste, nuk i pyesnin të intervistuarit për përkatësinë fetare.

Kemi evidencë të dokumentuar se një numër i madh besimtarësh nuk u intervistuan, sepse nuk u vizituan nga asnjë regjistrues.

Sipas regjistrave tanë të pagëzimeve tregohet qartë se numri i të krishterëve orthodhoksë është shumë herë më i madh nga sa rezulton në Cens.

Sipas statistikës së vitit 1927 kemi këto të dhëna: myslimanët sunitë dhe bektashinj përbënin 67.5%; orthodhoksët 22.3% dhe katolikët 10%.

Ndonëse pyetja për besimin fetar ishte fakultative, numri i madh i besimtarëve të pacilësuar prej 332 155, të ateistëve 85 311, të atyre që preferuan të mos i përgjigjen 244 331 dhe të atyre që nuk ishin të disponueshëm 134 451 – në total 796 248 – afërsisht 1/3 e popullsisë, dëshmon për pasaktësinë e këtij Censi./ CNA





Lajmet e fundit nga