web counter
LEXO PA REKLAMA!

SHKARKO APP

App Store
Google Play

E fundit!

x

Agron Shehaj, "shuplakë" Denajt: Fondet e BE-së shkuan te Gugallja dhe ortakët tuaj

18 Korrik 2024, 14:44, Aktualitet CNA

Agron Shehaj, "shuplakë" Denajt: Fondet e BE-së shkuan te

Deputeti Agron Shehaj ia ka numëruar një më një ministres Anila Denaj se në xhepat e kujt kanë shkuar fondet e BE-së për fermerët.

Shehaj tha se 180 mijë euro kanë shkuar për ish-deputetin e PS-së, Dashamir Peza, 44 mijë euro për kryetarin e Bashkisë së Divjakës, zv.kryetari i Bashkisë së Delvinës ka marrë 66 mijë euro, të afërmit e Tahirit kanë marrë 36 mijë euro, Stela Gugallja ka marrë 310 mijë euro, Elvis Roshi ka marrë 210 mijë euro, 182 mijë euro ka marrë vëllai i ish-drejtorit të Veliajt, Sokol Tusha.

Deputeti tha se janë të panumërt përfituesit e tenderëve të qeverisë që kanë marrë dhe paratë e fermerëve.

“Kishit një detyrë shumë të thjeshtë të merrnit paratë e BE-së dhe t’ua jepnit fermerëve. Pa i vjedhur paratë dhe pa përzgjedhur përfituesit. Është elementare. Dikush të jep ca lekë dhe duhet t’i japësh pa i vjedhur.

OLAF thotë që keni vjedhur 33 milionë euro. Gabon OLAF? Nuk e them unë. Si mund të vini të gënjeni këtu dhe të thoni se jeni vlerësuar. Si jeni vlerësuar me dreka dhe darka te restoranti i Beqajt?

Janë faktet dhe aktet që tregojnë se keni punuar mirë apo jo. Nëse ju trajtojnë si hajdutë nuk është vlerësim. Thatë 26 kantina.

E dini kujt i vajtën paratë e BE-së?

I vajtën ish-deputetit të PS, Dashamir Peza 180 mijë euro. I vajtën kantinës të vëllait të ish-drejtorit Tusha, Sokol Tusha, 182 mijë euro, për këto po na flisni. Kush tjetër i ka marrë fondet.

Xhepat tuaj, ortakëve tuaj u janë fryrë me paratë e BE-së këtë na e tha OLAF. Këto i ka marrë Kokoneshi, kryetari i Bashkisë së Divjakës, ka marrë 44 mijë euro.

Ishit në dijeni për këtë?

Zv.kryetari i Bashkisë së Delvinës ka marrë 62 mijë euro, të afërmit e Tahirit kanë marrë 36 mijë euro, Stela Gugallja ka marrë 310 mijë euro.  

Elvis Roshi 210 mijë euro. Janë të panumërt përfituesit e tenderëve të qeverisë suaj që kanë marrë dhe paratë e fermerëve”, tha Shehaj./ CNA





Lajmet e fundit nga