web counter
LEXO PA REKLAMA!

SHKARKO APP

App Store
Google Play

Pse Mimoza Dhëmbi duhet të turpërohet nga Eduard Shalsi?

25 Korrik 2024, 16:57, Politikë CNA

 

Pse Mimoza Dhëmbi duhet të turpërohet nga Eduard Shalsi?
Eduard Shalsi dhe Mimoza Dhëmbi

 

Eduard Shalsi, deputeti i PS-së, kryetar Komisioni, filloi një betejë të paprecedentë me Kontrollin e Lartë të Shtetit, një organ që është kushtetues dhe deri në momentet që u shfaq Shalsi nuk kishte pasur asnjë ankesë politike publike apo denoncim të bërë qoftë nga media apo vetë nga Partia Socialiste.

Gjithsesi, Eduard Shalsi zgjodhi një mënyrë të pështirë, të neveritshme, për të sulmuar KLSH-në.Ai përdori një emër. Emrin e Mimoza Dhëmbit. Kjo e fundit drejtoresha e Buxhetit në Ministrinë e Financave prej gati tri dekadash, e cila ka punuar me ministra socialistë, demokratë dhe njerëz të ndryshëm. Të gjithë e vlerësojnë si një profesioniste.

 

Pse Mimoza Dhëmbi duhet të turpërohet nga Eduard Shalsi?
Mimoza Dhëmbi

 

Por, për KLSH-në dhe kontrollin që bën ai institucion në bazë të parametrave ligjorë dhe atyre që kërkon ligji në bazë të disa rregullave të mirëpërcaktuara ligjërisht, zonja Mimoza Dhëmbi ka pasur problematika, shkelje dhe është rekomanduar largimi nga detyra. Në fakt, ky rekomandim i KLSH-së ka vetëm një institucion ku mund të përballet, që është Gjykata.

Zonja Dhëmbi është një profesioniste, por KLSH pretendon që ajo ka bërë shkelje. Në këtë rast gjykata vendos sipas dokumenteve të paraqitura nga palët. Pra, ekspertët e KLSH-së dhe përfaqësuesit e tij në njërën anë dhe zonja Dhëmbi, e cila shquhet për aftësitë e saj, dokumentet, mbrojtjen në gjykatë dhe gjithçka është e zgjidhshme.Por nuk ndodhi kështu siç duhet të ndodhte normalisht.

EDUARD SHALSI PERSONALIZON EMRIN E MIMOZA DHËMBIT

Del Eduard Shalsi dhe personalizon emrin e zonjës Dhëmbi në një betejë politike, e cila ka filluar prej disa muajsh jo vetëm me KLSH-në, por me shumë nga institucionet e pavarura. Në kuadër të gjoja rrugës për integrimin duhet të përshtaten dhe institucione të ndryshme dhe u shpikën komisione dhe nënkomisione.

Fatmir Xhafaj, Eduard Shalsi e kështu me radhë, të cilët do të kontrollojnë institucionet e pavarura apo do t’u japin atyre drejtimin për në BE apo duan të bëjnë një gjë tjetër, duan t’i fustin këto institucione nën sqetullën e tyre, t’i fusin nën kontroll dhe që Kontrolli i Lartë i Shtetit të mos rekomandojë shkarkime, kallëzime penale, për shkelësit e ligjit, por të bëjë atë që i thotë qeveria apo pushteti.

Por përtej këtyre fakteve të thëna shumë shpesh nga CNA, ajo që ndodh me zonjën Dhëmbi është diçka ndryshe sepse në shumë media ajo po sulmohet.

Në fakt nuk ka pse sulmohet. Është një profesioniste, një eksperte 30-vjeçare. Ai për të cilin duhet reaguar është Eduard Shalsi, personi që na tha se do të vidhte ndryshe. E kemi të gjithë me zë dhe me figurë.

Në rast se ajo ka shkelur apo jo ligjin atë e vendos gjykata, dy palët që përplasen në një institucion, i cili vendos drejtësinë.

Nuk mund të jetë Eduard Shalsi, Përkundrazi, Idioti “i dobishëm” i Rilindjes që tashmë ka marrë xhirot e inatit dhe mendon se është kthyer fuqishëm në PS, mendon se me mandolinën e tij do t’i këndojë Ramës serenata poshtë ballkonit dhe ai do ta rehabilitojë edhe pse është një deputet i dështuar, edhe pse është një politikan i pavlerë, Shalsi zgjodhi figurën e zonjës Dhëmbi.

PSE ËSHTË NJË TURPËRIM QË SHALSI TË MARRË NË MBROJTJE MIMOZA DHËMBIN?

Në fakt ta marrë në mbrojtje Eduard Shalsi zonjën Dhëmbi është një turpërim për zonjën në fjalë sepse ajo është një profesioniste, një qytetare ndryshe nga një sharlatan politik si Eduard Shalsi, i cili po kërkon të gjejë zonën e tij elektorale për vitin e ardhshëm.

Dhe për këtë është i gatshëm të bëjë kamikazin, të sulmojë kë t’i dalë përpara, të keqpërdorë emra profesionistesh dhe zonjash të nderuara, por për të arritur interesat e tij, ato politike të urdhëruara nga Rilindja, dhe ato personale për të cilat Shalsi do t’i përdorë për një vend ku të kapë karrigen e deputetit, pasi nuk ka gjetur dot rehati. Në Pogradec nuk e qasin më dhe nuk e sheh dot më njeri me sy. Ndërsa në Tiranë Rama e largoi.

Pse i shërben partisë Eduard Shalsi?

Pse Mimoza Dhëmbi duhet të turpërohet nga Eduard Shalsi?
Eduard Shalsi

Këtë ta thonë të gjithë në korridoret e Partisë Socialiste, por është krejt i panevojshëm.

Por, edhe pse i panevojshëm dhe i padobishëm, ai ka zgjedhur të keqpërdorë emrin e një zonje për interesat e tij personale për të kapur karrigen e deputetit. Ka dhe më keq se ai. Ka dhe të tjerë, por rasti më flagrant i ditëve të fundit flet vetë, na tregon se si një politikan i panevojshëm që shpesh bën rolin e idiotit “të dobishëm” të abuzojë me emrin e një zyrtareje që pas një raporti të Kontrollit të Lartë të Shtetit, i cili thjesht dhe vetëm zgjidhej mbi bazën ligjore në Gjykatën Administrative.(LEXO KETU)

Kaq e thjeshtë është historia, pjesa tjetër është makutëria e Rilindjes për të kapur çdo institucion të pavarur.

Pas KPP-së së famshme për të goditur SPAK-un, tani fillon një nënkomision, një shpikje e re për të goditur KLSH-në dhe më pas do të vijnë një e nga një të gjithë.

Në emër të BE-së do të flitet gjithmonë, në emër të Integrimit do të jepen raportet. Në finale Rilindja do të kapë çdo institucion për ta përdorur gjatë zgjedhjeve parlamentare të vitit të ardhshëm.

Dikush kap një karrige dhe partisë i duhen numrat e mandateve në parlament. Të gjitha institucionet e pavarura janë një hambar i mirë për rilindjen, për votat e një viti më pas./ CNA

 





Lajmet e fundit nga