web counter
LEXO PA REKLAMA!

SHKARKO APP

App Store
Google Play

Protestë para Bashkisë së Tiranës/ Paralajmërimi për Veliajn

25 Korrik 2024, 11:36, Politikë CNA
Protestë para Bashkisë së Tiranës/ Paralajmërimi
Kreu i këshilltarëve opozitarë në Këshillin Bashkiak të Tiranës, Dorjan Teliti

Pak momente më parë ka nisur protesta para Bashkisë së Tiranës, ku kërkohet dorëheqja e kryebashkiakut Erion Veliaj.

Qindra qytetarë janë mbledhur dhe në kor kanë bërë thirrje kundër Veliajt.

Kreu i këshilltarëve opozitarë në Këshillin Bashkiak të Tiranës, Dorjan Teliti, bëri një paralajmërim se protestat nuk do të ndalen.

Ai kërkoi që të vihet para përgjegjësisë Veliaj, duke theksuar se në SPAK ka prova për ta vënë në pranga kryebashkiakun e kryeqytetit.

“Ne do të qëndrojmë dhe nuk trembemi. Tirana dhe Shqipëria e di se kush ka abuzuar dhe kush ka vjedhur taksat e Tiranës. Ndaj Veliaj dhe ekipi i tij do të mbajnë përgjegjësi. Ajo që më habit është fakti se si ky njeri nuk tërhiqet nga vjedhjet. Se si ky njeri nuk tërhiqet nga abuzimet, por vazhdon dita-ditës të vjedhë paratë e Tiranës. Dhe kjo duhet të marrë fund një orë e më parë. Sepse këto zyra nuk kanë vend për njerëzit që shkelin ligjin.

Ndaj sot prokuroria duhet të flasë. Mjaft më SPAK u mor me cironkat, le të merret me peshkaqenët e vërtetë. Dhe ata kanë emra dhe mbiemra. Ndaj qytetarë të dashur, rezistenca është mjeti demokratik më i mirë për të vazhduar qëndresën tonë deri në zbrazjen e kësaj godine dhe më pas të të gjitha godinave të tjera të shtetit nga hajdutët dhe të korruptuarit. Ndaj miq të rezistojmë, siç jemi sot deri në arritjen e objektivit tonë, Erion Veliaj larg zyrave të bashkisë dhe pranë zyrave të burgut”, theksoi Teliti./ CNA





Lajmet e fundit nga