web counter
LEXO PA REKLAMA!

SHKARKO APP

App Store
Google Play

Denoncimi i Këlliçit: Drejtori i inceneratorit të Tiranës, komunikime me bandën e inceneratorit në Zimbabve

25 Korrik 2024, 12:23, Politikë CNA
Denoncimi i Këlliçit: Drejtori i inceneratorit të Tiranës,
Drejtuesi Politik i Tiranës, Belind Këlliçi

Drejtuesi Politik i Tiranës, Belind Këlliçi, ka bërë një denoncim për drejtorin e inceneratorit të Tiranës dhe të Fierit, Elton Buallin, në protestën para Bashkisë së Tiranës.

Këlliçi tha se Bualli ka komunikime me bandën e inceneratorit në Zimbabve.

Gjithashtu ai deklaroi se Bualli ka porositur projekte me vlerë 100 milionë euro në Tunizi.

“Jemi konfliktuar fizikisht kur vajtëm të denonconim për inceneratorët, ky individ figuron drejtori i inceneratorëve në Fier dhe Tiranë. Ky porosiste projekte me vlera qindra miliona euro. Çfarë ka bërë SPAK-u dhe me ato 8 masa të lëshuara së fundmi nuk kanë guxim të përmendin emrat e drejtuesve të vërtetë të inceneratorëve.

Kemi zbuluar dy personazhe të reja të grupit të strukturuar kriminal të inceneratorit dhe '5D'. Ekziston një shtetas që quhet Elton Bualli. Ky individ që është denoncuar me dhjetëra herë, figuronte drejtor i inceneratorit të Tiranës dhe drejtor i inceneratorit të Fierit, personazh kryesor që komunikonte me bandën dhe për interesat e bandës së inceneratorit në Zimbabve. Ky porosiste projekte me vlerë 100 mln euro në Tunizi. Ky individ pasi mori gjysmë milioni euro borxh nga inceneratori i Tiranës bleu një tokë në landfillin e Sharrës për të ngritur një serrë me paratë e fermerëve nga programi IPARD.  Plot 310 mijë euro”, theksoi Këlliçi./ CNA





Lajmet e fundit nga