web counter
LEXO PA REKLAMA!

SHKARKO APP

App Store
Google Play

Si po mbyllen dosjet e SPAK-ut?

20 Shtator 2024, 14:08, Editorial CNA
Si po mbyllen dosjet e SPAK-ut?
SPAK

Ky titull i shkon për shtat Erion Veliajt, që në fakt është dhe thelbi i këtij shkrimi, ndoshta i shkon për shtat Sali Berishës që kërkon të sulmojë SPAK-un, kuptohet deri tani duke ngatërruar drejtimin.

I shkon ndoshta për shtat Ilir Metës që ka halle me drejtësinë dhe shumë zyrtarëve të tjerë apo hajdutëve në hetim.

Në fakt dosjet e SPAK-ut nuk janë mbyllur.

Kjo është një fjali që e thotë shpesh Erion Veliaj, “çdo gjë e ka një çmim dhe çmimi ynë do të jetë pa limit”, në tavolina të ngushta miqsh se e ka mbyllur me SPAK-un se i ka mbyllur çështjet e tij. Nuk ka probleme me Dritan Prençin. "Ai është një djalë që kupton dhe siç ndihmoi Armando Subashin në Fier do të ndihmojë dhe lalin. Ai është yni" thotë Veliaj nëpër tavolina.

Nga ana tjetër nuk kursehet për Klodian Brahon për të cilin dyshohet se i ka çuar dhe SMS apo mesazhe me persona të tretë për t’i mbyllur hallet dhe problemet që ka me drejtësinë dhe Erion Veliaj thekson se i ka mbyllur këto çështje. Nuk ka më probleme me SPAK-un. Tani do t’i mbyllin dhe dosjen e hetimit pasuror të cilën po ia bëjnë thjesht dhe vetëm për t’i pastruar figurën.

Këto janë deklarimet e mbylljes së dosjeve të SPAK-ut ose më tej akoma. Erion Veliaj ka urdhëruar mediat e tij dhe ato të paguara nga inceneratorët apo afera “5D” nga Bashkia e Tiranës të paguara zullumqarët e pushtetit, jashtëqitjet mediatike të Rilindjes apo vetë Veliajt që t’i japin sa më shumë hapësirë Sali Berishës për sulmet ndaj SPAK-ut.

Mjafton vetëm të vëzhgoni mediat që i shërbejnë kryebashkiakut dhe e kuptoni menjëherë se si çdo sulmi që bën Berisha ndaj SPAK-ut i jepet hapësirë.Qoftë me ironi, qoftë në mënyrë të drejtpërdrejtë për asgjë tjetër nuk raportohet Berisha, por vetëm për sulmet ndaj kreut të SPAK-ut, Altin Dumani.E thjeshtë, urdhri është dhënë dhe tani kjo shkon paralel me një pikëpyetje:

Si ka mundësi për kaq kollaj Erion Veliaj i ka mbyllur dosjet dhe nga ana tjetër urdhëron mediat e tij të sulmojnë SPAK-un?

E gjitha është një propagandë e këtij të fundit, e kryebashkiakut të Tiranës, i cili po kërkon me çdo kusht të mbajë me shpresë të tijtë siç i gënjeu me dosjen “5D” kur tha në mediat e tij se ishin disa zyrtarë të larguar nga detyra dhe më pas doli i gjithë zinxhiri komandues, komplet të gjithë drejtorët e Bashkisë së Tiranës, shumica e tyre.

Apo më pas kur tha se ai do të drejtonte Qarkun e Tiranës dhe këto vajzat, Elisa Spiropalin dhe Ogerta Manstirliun do t’i kishte shërbëtore.

Më pas u shkrua dhe në media, por në fund rezultoi se në Asamblenë e Tiranës Edi Rama i drejtoi gishtin dhe i tha ti do rrish te bashkia, por Tiranën do ta drejtojë Manastirliu.

Një shenjë e qartë që asnjë dosje nuk kish mbyllur Erion Veliaj. Asnjë pastrim të figurës së tij nuk duket të ketë në SPAK.

Kjo është e qartë. Thjesht dhe vetëm kemi të bëjmë me një kryebashkiak, i cili po përpiqet që nëpërmjet propagandës, pazareve, interesave, koncesioneve të zgjidhë problemet e tij me drejtësinë.

Nuk i ka zgjidhur deri më sot dhe në rast se ka shkelur ligjin nuk ka për t’i zgjidhur dot kurrë, por do të mbajë përgjegjësi para ligjit, përpara qytetarëve e në rast se nuk e ka shkelur atë lali Eri nuk ka pse bën kështu, as pse përcjell mesazhe për dosje të mbyllura, as të çmendet e të bëjë si “Spiderman” apo “Superman”, as pse të hapë se kaq një prokurori, aq një prokurori duke nxirë imazhin e tyre.

Në fakt e vërteta është mjaft e thjeshtë. Erion Veliaj nuk ka mbyllur asgjë dhe dosjet e tij nuk janë mbyllur.

Thjesht dhe vetëm ai po kërkon të sulmohet SPAK-u dhe duke mos pasur kurajën ta bëjë vetë pasi si zdroms kërkon të fshihet pas të tjerëve ai ka zgjedhur t’i japë hapësirë Sali Berishës për sulmet ndaj SPAK-ut në sulmet ndaj pushtetit./ CNA

 





Lajmet e fundit nga