web counter
LEXO PA REKLAMA!

SHKARKO APP

App Store
Google Play

Erion Veliaj i mori dy medaljet në Paris?

15 Gusht 2024, 12:25, Politikë CNA

Erion Veliaj i mori dy medaljet në Paris?

Skandalet e ndjekin kudo kryebashkiakun e Tiranës Erion Veliaj. Me shfaqjet e shëmtuara që jep në daljet e tij publike dhe skeçet e improvizuara të tij si mundës, spektakli i radhës i paturp i Veliajt afishohet në godinën e Bashkisë së Tiranës.

Veliaj nuk i ndahet medaljeve të marra nga dy sportistët Chermen Valiev dhe Islam Dudaev. Kërkon që më patjetër tu marrë meritat sportisëve aq sa duket se u ka marrë nga qafa e tyre për t’i varur në godinë e kapur nga korrupsioni që kanë bërë drejtorët e tij hajdutë.

Me aktet skandaloze që bën Veliaj ngrihen dyshimet se kush i ka marrë medaljet në të vërtetë.

Chermen Valiev dhe Islam Dudaev apo Erion Veliaj?

Mos vallë kryebashkiaku Veliaj me atë “hedhjen e famshme”, të improvizuar sigurisht, mendon se ka fituar medaljet dhe tashmë i varë në murin e Bashkisë së Tiranës duke i shitur si të ishin të tijat?

Edhe mundet sepse thonë që Veliajt i ngjit dora shumë si atyre drejtorëve hajdutë të dosjes 5D me të cilat krenohet se ka bërë “punë të mira”.

Madje kulmi arrin deri në pikën ku, vë dhe policë t’i ruajnë medaljet nga frika se dikush mos ia “rrëmben” pasi i mendon të gjithë vetja.

Erion Veliaj i mori dy medaljet në Paris?

Veliaj, drejtorët hajdutë të të cilit janë pas hekurave si të përfshirë në tenderë abuzivë dhe në aferën inceneratorëve, po përpiqet që me këto skema qesharake të zhvendosë vëmendjen nga skandalet në të cilat është përfshirë.

Veliaj është nën hetim nga SPAK-u për disa dosje të nxehta po ashtu dhe për pasurinë. Po njësoj janë nën hetim pasuror dhe familjarët e tij./ CNA





Lajmet e fundit nga