web counter
LEXO PA REKLAMA!

SHKARKO APP

App Store
Google Play

E fundit!

x

Berisha, akuza Ramës për mbrojtjen kriminale të policisë

14 Gusht 2024, 20:38, Politikë CNA
Berisha, akuza Ramës për mbrojtjen kriminale të policisë
Kryetari i Partisë Demokratike, Sali Berisha

Kryetari i Partisë Demokratike, Sali Berisha, reagoi mbrëmjen e sotme pas deklaratës së kryeministrit Edi Rama, në lidhje me vrasjen e 42-vjeçarit Egli Proga.

Berisha sulmoi Ramën për mbrojtjen kriminale që i ka bërë policisë.

“Edi Rama është një armik i egër, një armik i lindur i veriut.

Ai është padrino i mafies së veriut, armik i qytetarëve.

Ndaj dhe qëndroni të pamposhtur se e drejta, ligji, Kushtetuta është me ju, jo me Edi Ramën dhe Lubi Ballukun.

Të dashur miq, sonte qytetarët e Pogradecit po nderojnë me një protestë të heshtur dhe po ndezin qirinj në vendin ku i morën shpirtin, ku vrasësi gjobëvënës i sojit kriminal të Rilindjes, i mori shpirtin Egli Progës.

Unë përshëndes protestën e qytetarëve të Pogradecit.

Drama, tragjedia e Egli Progës dhe familjes së tij është në tërësi një dramë shqiptare e madhe, që luhet sot kudo në çdo qytet, në çdo fshat, në çdo vend.

Sundimi i krimit mbi qytetarin, shteti i krimit mbi shtetin ligjor, kjo është Shqipëria sot. Pas kaq ditësh nga kjo ngjarje që tronditi thellë ndërgjegjen njerëzore të qytetarëve të Pogradecit dhe Shqipërisë, më në fund foli edhe padrinoja, Edi Rama.

Lexojeni miq se çfarë turpi, çfarë fytyre ka kriminel që në një çarçaf të tërë nuk gjen dot një hapësirë sado të vogël për t’i shprehur ngushëllim familjes Proga. Që në pamfletin e tij të turpit, apologji e krimit, nuk thotë një fjalë të vetme për dënimin e kriminelit.

Përkundrazi, bën apologjinë e policisë që bëri gjithçka të fshihet krimin me dëshmitarë. Bën apologjinë e urgjencës që e la të shtrirë në 300 metra distancë mbi 30 minuta. Kjo është Shqipëria, ky është Edi Rama!”, theksoi kreu i PD-së./ CNA





Lajmet e fundit nga