web counter
LEXO PA REKLAMA!

SHKARKO APP

App Store
Google Play

E fundit!

x

Skandali me kompaninë audituese/ Berisha: Veliaj do të shpëlajë fytyrën e zezë me paratë e qytetarëve

12 Gusht 2024, 21:13, Politikë CNA
Skandali me kompaninë audituese/ Berisha: Veliaj do të
Kryetari i Partisë Demokratike, Sali Berisha

Prej disa ditësh është denoncuar skandali në Bashkinë e Tiranës, ku Erion Veliaj do të kontraktojë një kompani britanike për të kaluar në skaner të gjitha procedurat, që nga mënyra se si merren vendimet, si kontrollohen dhe deri te zbatimi i projekteve.

Lidhur me këtë skandal ka reaguar mbrëmjen e kësaj të hëne kryetari i Partisë Demokratike, Sali Berisha, në protestën e mbështetësve të tij.

Berisha tha se Veliaj do që t’i kryejë këto auditime për të shpëlarë fytyrën e tij të zezë dhe për të mashtruar qytetarët.

Ai theksoi se të gjithë këtë, kryebashkiaku i kryeqytetit do ta bëjë me parave e qytetarëve të Tiranës.

“Të dashur miq, Erion Veliaj pasi ‘kolegët’ e Skrapit me në krye mercenarin e amnistuan, tani paguan paratë e qytetarëve të Tiranës për audite për të shpëlarë fytyrën e tij të zezë.

Për të mbuluar me mafian ndërkombëtare vjedhjet e tij të tmerrshme.

Për të mashtruar shqiptarët përsëri e përsëri.

Miq, përveç revoltës, përveç revoltës, përveç revoltës nuk ka rrugë tjetër.

Demokrate e demokratë, sot jeni para provës më të madhe në tërë jetën tuaj, në tërë ekzistencën tuaj.

Kjo provë është prova e jetës për çdo demokrate e demokrat.

Do t’u prijmë ne shqiptarëve në një revoltë të fuqishme për të përzënë narkoshtetin dhe rikthyer votën e lirë apo do firmosim mandatin e katërt të Edi Ramës dhe gllabërimin e opozitës nga honet e historisë?”, theksoi kreu i PD-së./ CNA





Lajmet e fundit nga