web counter
LEXO PA REKLAMA!

SHKARKO APP

App Store
Google Play

Berisha paralajmëron Veliajn/ “Je hajduti më i madh, do vuash për vjedhjet në bashki”

8 Gusht 2024, 20:36, Politikë CNA
Berisha paralajmëron Veliajn/ “Je hajduti më i madh, do vuash
Kryetari i Partisë Demokratike, Sali Berisha

Kryetari i Partisë Demokratike, Sali Berisha, bëri një paralajmërim për kryebashkiakun e Tiranës, Erion Veliaj.

Teksa përshëndeti qytetarët që protestojnë para Bashkisë së Tiranës, Berisha deklaroi se është hajduti më i madh që është ulur ndonjëherë në zyrën e kryetarit të bashkisë.

Ai tha se sa më shumë ta zgjasë agoninë Veliajn, aq më tepër do të vuajë për korrupsionin në bashki.

“Të dashur qëndrestare dhe qëndrestarë, misionare dhe misionarë të një kauze të pamposhtur, të një kauze të drejtë të mbarë shqiptarëve.

Një përshëndetje të përzemërt për ju, për oratorët e kësaj platforme të fjalës së lirë.

Por një përshëndetje qëndrestarëve që rrethuan sot bashkinë e Tiranës, të pamposhtur në revoltën e tyre kundër njërës prej figurave më të shpërfytyruara, më të shëmtuara të të gjithë historisë 400-vjeçare të këtij qyteti.

Erion Veliaj është hajduti më i madh që është ulur ndonjëherë në zyrën e kryetarit të bashkisë.

Ai vendin e ka në shtyllën e turpit të këtij qyteti dhe mbarë Shqipërisë.

Erion, sa më shumë ta zgjasësh agoninë tënde, aq më tepër do vuash se këta protestues nuk njohin kthim mbrapa.

Ndaj dhe mos ik si mi, po shporru nga bashkia hajdut! Hajdut pa moral, pa mëshirë”, nënvizoi kreu i PD-së./ CNA





Lajmet e fundit nga