web counter
LEXO PA REKLAMA!

SHKARKO APP

E fundit!

x

Vrasja e 42-vjeçarit/ Berisha: Togat e zeza e ekzekutuan për së dyti

13 Gusht 2024, 20:55, Politikë CNA
Vrasja e 42-vjeçarit/ Berisha: Togat e zeza e ekzekutuan për së
Kryetari i Partisë Demokratike, Sali Berisha

Kryetari i Partisë Demokratike, Sali Berisha reagoi mbrëmjen e sotme për vrasjen e 42-vjeçarit Egli Proga dhe lirimin nga burgu të 3 nga 4 autorëve të dyshuar.

Berisha tha se me vendimin e sotëm togat e zeza vranë për herë të dytë 42-vjeçarin.

Ai theksoi se personat që u liruan fshehën krimin monstruoz, ndërsa ngriti akuza edhe ndaj efektivëve të policisë.

“Të dashur miq, në emër tuaj unë duhet t’i shpreh solidaritetin tonë njerëzor familjes Proga, e cila pasi humbi nga dorë vrastare e mafies njeriun e vet më të çmuar, babanë e dy fëmijëve, pa sot togat e zeza të vërsuleshin mbi të, ta ekzekutonin për së dyti, të lironin në sallën e gjyqit tre nga katër bashkëpunëtorët e vrasjes së njeriut të tyre.

Miqtë e mi, ky akt kriminal sa ç’ishte vrasja nga gjobaxhiu i Rilindjes i babait të dy fëmijëve, është një akt që revolton çdo qytetar dhe qytetare të këtij vendi.

Është një akt që ka në bazë doktrinën kriminale të Edi Ramës. Ata që u liruan fshehën krimin monstruoz.

Natyrisht krimin monstruoz e fshehën edhe narkokriminelë me uniformë, por të afërt në krim, në dijeni dhe çdo gjë!”, deklaroi kreu i PD-së në protestën e përnatshme të mbështetësve të tij./ CNA





Lajmet e fundit nga