web counter
LEXO PA REKLAMA!

SHKARKO APP

App Store
Google Play

E fundit!

x

“Erion Veliaj të japë llogari”/ Ilda Zhulali përplaset me Julian Hodajn

9 Shtator 2024, 17:48, Aktualitet CNA

“Erion Veliaj të japë llogari”/ Ilda Zhulali

Anëtarja e Këshillit, Ilda Zhulali iu drejtua me një kërkesë kryetares së Këshillit Bashkiak të Tiranës, Romina Kuko, që të përfshinte në agjendë dy çështje urgjente për diskutim në mbledhjen e Këshillit të ditës së sotme.

Çështja e parë, ishte situata emergjente e plehrave në Tiranë dhe llogaridhënia e kryetarit të bashkisë dhe përfaqësuesit/përfaqësuesve të kompanisë Eco Tirana për dështimin e pastrimit të qytetit dhe rrezikimit të shëndetit të qytetarëve nga ndotja.

Së dyti, llogaridhënie e kryetarit të bashkisë për pajtimin e dy kompanive të huaja për kryerjen e kontrollit financiar në Bashkinë Tiranë, pa dijeninë dhe pa miratimin e Këshillit Bashkiak.

Mirëpo kjo kërkesë nuk është shqyrtuar dhe si pasojë nuk është përfshirë në rendin e ditës së sotme.

Për këtë ka patur një debat në mbeldhje mes zonjës Zhulali dhe nënkryetarit të Këshillit Bashkiak, Julian Hodaj i cili është shprehur se kryetyari i Bashkisë nuk jep llogari për çdo çështje në Këshillin Bashkiak.

Debati në mbledhje 

Julian Hodaj: Propozimi i këshilltares ka një problem formal dhe rezultant nuk është paraqitur kërkesa sipas ligjit, e kemi disktuar në mbledhje. Kryetari nuk jep llogari për çdo çështje në Këshillin Bashkiak.

Zhulali: Dua të di cila është forma e duhur

Julian Hodaj: Paraqitja e kërkesës në kohën e duhur.  Nuk jam këtu të bëj leksion.

Pas këtij debati Hodaj i ka ndërprerë fjalën anëtares së Këshillit Bashkiak Ilda Zhulalit./ CNA





Lajmet e fundit nga