web counter
LEXO PA REKLAMA!

SHKARKO APP

App Store
Google Play

E fundit!

x

Sulmohet ambasadorja serbe në Spanjë/ Mediat në Beograd: Agresori ishte shqiptar

9 Shtator 2024, 15:13, Aktualitet CNA
Sulmohet ambasadorja serbe në Spanjë/ Mediat në Beograd: Agresori
Ambasadorja e Serbisë në Spanjë, Irena Sarac

Ambasadorja e Serbisë në Spanjë, Irena Sarac, është sulmuar mbrëmjen e së dielës në Madrid, nga një person i paidentifikuar, që pretendohet nga media serbe se është shqiptar.

Agresori e ka sulmuar ambasadoren e Serbisë rreth orës 22:00, në rrugën “Principe de Vergara”, në afërsi të ambasadës.

Sipas hetimeve të para, burri e ka shkelmuar dhe e ka ofenduar pasi e ka pyetur për origjinën e saj, por edhe ambasadorja serbe është kundërpërgjigjur.

Ka qenë një dëshmitar i sulmit që ka lajmëruar policinë. Agjentët kryen disa kontrolle në zonë, por nuk arritën ta gjenin agresorin e dyshuar.

Pavarësisht ndihmës së ofruar nga oficerët e policisë, Sarac nuk pranoi të merrte kujdes mjekësor dhe të dërgohej në komisariat për të denoncuar ngjarjen.

Ministri i Punëve të Jashtme të Serbisë, Marko Gjuriç, ka kërkuar që autoritetet spanjolle të hetojnë dhe të nxjerrin para drejtësisë autorin e sulmit, njoftoi këtë të hënë televizioni serb "N1".

Media serbe pretendon se disa dëshmitarë thanë se gjykuar nga theksi i agresorit, ai ishte me etni shqiptare. Megjithatë, kjo nuk është e konfirmuar./ CNA





Lajmet e fundit nga