web counter
LEXO PA REKLAMA!

SHKARKO APP

App Store
Google Play

E fundit!

x

Veliaj kthen Tiranën në mal me plehra/ Kush e mban përgjegjësinë?

7 Shtator 2024, 19:07, Aktualitet CNA
Veliaj kthen Tiranën në mal me plehra/ Kush e mban
Erion Veliaj

Prej 10 ditësh, Tirana është e mbuluar nga plehrat. Për skandalin me plehrat foli këtë të shtunë vetë kryebashkiaku i Tiranës, Erion Veliaj. (Lexo këtu)

Në një takim me punonjësit e “Eco Tirana”, Veliaj u justifikua me pretekstin se kompanitë private e kanë ndërprerë punën dy muaj para mbarimit të kontratës së shërbimit.

Ai tha se pastrimi i plehrave nga tani e tutje do të bëhet nga ndërmarrja e bashkisë, por kërkoi kohë që të vijnë makinat industriale.

“Eco Tirana do të marrë në administrim të gjithë qytetin, duke u lënë operatorëve private që mbulonin zonat e ‘5 Majit’, ‘Don Boskos’, lagjen ‘Rilindja’ te Unaza e Madhe, një afat nga 1 tetor deri në 1 nëntor, sepse si çdo marrëdhënie që ndërpritet jepet edhe një afat sepse nuk bëhet në mënyrë të palajmëruar. Ata [kompanitë private] menduan se duke i lënë këto zona pa pastruar dhe duke i çuar foto këtyre faqeve ‘anonim të lutem’, - apo duke nxjerrë disa nga këta që ne i kemi rrahur ‘si gomari në duhan’ me 60 mijë vota diferencë, - do t’i bënin presion kryetarit të bashkisë dhe ne do të dorëzoheshim, do ta hanim presionin.

Ne nuk dorëzohemi! Vendimi ishte: Meqë ata duan ta zgjidhin me presion, ne do ta marrim që tani në administrim zonën te lagjja ‘Rilindja’ te Unaza e Madhe, po ashtu edhe zonën e ‘5 Majit’ te Bregu i Lumit, dy muaj para mbarimit të kontratës së shërbimit. Kemi dy makina industriale, por presim edhe 18 të tjera. Kjo do të thotë se në dy muajt e ardhshëm do duhet që të operojmë me një sens emergjence në këto zona. Do duhet të bëjmë disa punë në avancë, përpara se të vijnë të gjitha mjetet dhe pajisjet teknike”, tha Veliaj.

Pra, kryebashkiaku kërkoi të presim ende, ndërkohë që ka 10 vjet kryetar bashkie dhe nuk i ka dhënë asnjëherë zgjidhje pastrimit të Tiranës. (Lexo këtu)

Veliaj kthen Tiranën në mal me plehra/ Kush e mban
Bashkia e Tiranës

Bashkia e Tiranës ka pasur gjithmonë problematika, kanë qenë 5-6 kompani, ka pasur edhe tendera skandalozë të anuluar në APP (Agjencinë e Prokurimit Publik) dhe u kujtua sot të thotë do t’i marrim dy muaj para, nuk i japim kontrata atyre, do presim edhe pak, ndërkohë që Tirana qelbet. (Lexo këtu)

Kryeqyteti është mbushur nga plehrat dhe bashkia pastron vetëm qendrën.

Kush e mban përgjegjësinë? Pse Erion Veliaj nuk i kallëzon kompanitë që janë përfshirë në skandalin e mospastrimit të plehrave?

Veliaj kthen Tiranën në mal me plehra/ Kush e mban
Erion Veliaj

Sa është dëmi ekonomik i shkaktuar? Kush e mban përgjegjësinë që këto kompani nuk e kanë bërë mirë punën, siç pretendon Veliaj, apo kërkojnë kontrata të pamerituara? (Lexo këtu)

A është sërish përgjegjës Veliaj? Po për situatën që po ndodh, kush është përgjegjës? A është kryebashkiaku? A është Bashkia e Tiranës? Pse nuk i mori masat që ditën që do të merrte vetë në kontroll pastrimin e kryeqytetit me ndërmarrjen e bashkisë të ishte gjithçka gati?

Fakt është që Tirana vazhdon jetë e mbuluar nga mbeturinat, pastrohet vetëm qendra dhe pjesa tjetër është një mal me plehra./ CNA





Lajmet e fundit nga