web counter
LEXO PA REKLAMA!

SHKARKO APP

E fundit!

x

Lehtësoi akuzën për autorin/ Largohet nga çështja e Egli Progës prokurorja Postoli

7 Shtator 2024, 16:20, Aktualitet CNA
Lehtësoi akuzën për autorin/ Largohet nga çështja e
Egli Proga

Prokurorja Vasjana Postoli është larguar nga çështja e vrasjes së Egli Progës, 42-vjeçarit që humbi jetën pas dhunimit në Pogradec.

Vendimin për ndryshimin e prokurores së çështjes e mori drejtuesi i Prokurorisë së Korçës, pasi Postoli lehtësoi akuzën për autorin Denis Meçe.

Deri më tani nuk bëhet ende i ditur emri i prokurorit apo prokurores që do të marrë në dorë hetimet.

Kujtojmë se Egli Proga u dhunua për vdekje jashtë ambientit të lokalit të viktimës.

Si fillim, vrasja u raportua si një rrëzim, por pas më shumë se 12 orësh policia njoftoi se kishim të bënim me një sherr banal nga ku kishte mbetur i vrarë Egli Proga.

Policia arrestoi si autor të vrasjes Denis Meçen, me akuzën e vrasjes me dashje dhe procedoi për moskallëzim krimi Voltan Shkulakun, Leonidha Guçen dhe Arjan Manellarin.

Por Prokuroria e Korçës, në seancën për caktimin e masës së sigurisë, lehtësoi akuzën për Denis Meçen nga vrasje me dashje, në vrasje nga pakujdesia, çfarë solli përplasje mes policisë dhe Prokurorisë së Korçës./ CNA





Lajmet e fundit nga