Ambasadori i BE-së injoron Veliajn/ Nuk e përmend në deklaratën për Kolegjin e Evropës

7 Shtator 2024, 17:52, Aktualitet CNA

Ambasadori i BE-së injoron Veliajn/ Nuk e përmend në

Erion Veliaj, kryebashkiaku i Tiranës

Ditën e djeshme u zhvillua ceremonia e hapjes së Kolegjit të Evropës në Tiranë.

Një fakt skandaloz ishte pjesëmarrja në ceremoni e Erion Veliajt, kryebashkiakut të drejtorëve hajdutë të Bashkisë së Tiranës, që janë përfshirë në skandale dhe korrupsion.

Në ceremoni ishin ftuar edhe ministrja e Arsimit, Ogerta Manastirliu, ambasadori i BE-së, Silvio Gonzato dhe rektorja e kolegjit Federica Mogerini.

Erion Veliaj, kryebashkiaku i Tiranës

CNA publikoi edhe një shënim për këtë çështje, ku ngrinte pyetjen se si mundte Bashkimi Evropian të ulej në një tavolinë me Veliajn, kryetarin e një organizate hajdutësh. (Lexo këtu)

Një ditë pas hapjes së Kolegjit të Evropës, ambasada e BE-së ka publikuar një deklaratë të diplomatit Silvio Gonzato. Ambasadori, në deklaratën e tij nuk e përmend fare kryebashkiakun Erion Veliaj.

Gonzato ka injoruar faktin që Veliaj ishte i pranishëm në takim dhe nuk i ka dhënë anjë atribut.

Ambasadori i BE-së, Silvio Gonzato, në ceremoninë e Kolegjit të Evropës

“Dje mirëpritëm zyrtarisht 32 studentët e kampusit të Kolegjit të Evropës në Tiranë. Ata janë BE-ja e ardhshme, një BE në të cilën bëjnë pjesë vendet e këtij rajoni. Ky brez i larmishëm, që përfaqëson 21 vende evropiane, do të ndihmojë në ndërtimin e urave që na duhen për një Evropë më të fortë dhe më të bashkuar.

Prania e Kolegjit të Evropës në Tiranë është një përpjekje e përbashkët me shtetet anëtare të BE-së dhe autoritetet shqiptare, duke u vënë në dispozicion ambiente dhe duke ofruar bursa studimi për të lejuar studentët me prejardhje të ndryshme të nisin këtë udhëtim mësimor. Shumë prej tyre ndoshta do të luajnë një rol kyç në kalimin e vendeve të tyre në hapat përfundimtarë të anëtarësimit në BE. U thashë studentëve që të përqafojnë këtë mundësi unike për të mësuar më shumë për BE-në, për të krijuar një komunitet dhe për të eksploruar Shqipërinë dhe njerëzit e saj të mrekullueshëm! Bashkimi Evropian është këtu!”, thuhet në deklaratën e ambasadorit të BE-së, Silvio Gonzato.

Lidhur me praninë e Veliajt në kampusin e Kolegjit të Evropës u bë edhe një protestë nga të rinjtë, të cilët u shprehën se një hajdut si Veliaj nuk mund të jetë shembull për studentët ekselentë.

Gjithashtu, në rrjet ka pasur edhe një sërë reagimesh nga disa njerëz publikë si Genc Pollo dhe Taulant Muka e të tjerë, të cilët kundërshtuan pjesëmarrjen e kreut të drejtorëve hajdutë në ceremoni./ CNA