web counter
LEXO PA REKLAMA!

SHKARKO APP

App Store
Google Play

E fundit!

x

Përfaqësimi i zërit të punonjësve

8 Shtator 2024, 08:30, Aktualitet CNA
Përfaqësimi i zërit të punonjësve
Foto ilustruese

Raporti i fundit i publikuar nga Gallup1 për 2024 tregon se angazhimi i punonjësve në të gjithë botën është vetëm 23% dhe nivelet e ulëta të këtij angazhimi i kushtojnë ekonomisë globale 8.9 trilionë US dollarë, ose rreth 9% të GDP-së globale.

Punonjësit sot kanë gjithmonë e më shumë mundësi dhe ndikim në tregun e punës.

Përpara 3 apo 4 vitesh, rregullat e marrëdhënies së punësimit përgjithësisht diktoheshin nga kompania: si do të kryhej puna, ku dhe kur do të kryhej.

Sot, bashkë me luftën për talente, qasjen në informacion, mundësinë për të punuar në distancë apo nga vende të ndryshme, punonjësit kanë më shumë fuqi në përcaktimin e rregullave të lojës se më parë.

Kjo tendencë vihet re jo vetëm te punonjësit e gjeneratës Z, por ka filluar të përhapet edhe te punonjësit e gjeneratave të tjera që janë bërë më të ndjeshëm ndaj aspekteve të marrëdhënies së punësimit.

Të dhënat e fundit tregojnë se ndikimi i një mjedisi toksik në normën e qarkullimit të punonjësve është 10.4 herë më i fuqishëm sesa kompensimi financiar2.

Sipas raportit global të Deloitte mbi Trendet e Kapitalit Njerëzor, rritja e fuqisë që punonjësit kanë, ka ardhur për disa arsye ku më kryesoret janë:

E para, lufta për talente: Sot, punonjësit kanë më shumë opsione pune se më parë, duke u dhënë atyre më shumë mundësi për të zgjedhur arsyet kryesore për zgjedhjen/largimin nga një punëdhënës.

Është interesant fakti se nga raporti i Deloitte3 mbi Gjeneratën Z dhe Millenials, rezulton se ata janë të gatshëm të shkëpusin marrëdhëniet e punësimit edhe nëse nuk kanë një opsion tjetër pune.

E dyta, ndryshimet teknologjike: Ndryshimet teknologjike u japin mundësi punonjësve të zgjedhin forma të ndryshme të marrëdhënies së punësimit dhe ju lejojnë të lidhen dhe të komunikojnë në kohë reale për çdo shqetësim apo ngjarje që ndodh në kompani.

Hendeku mes këtij trendi dhe gatishmërisë për zbatimin e tij

Sipas të dhënave të raportit global4, 84% e pjesëmarrësve në vrojtim mendojnë se ky trend është i rëndësishëm apo shumë i rëndësishëm për suksesin e organizatës së tyre, por vetëm 17% janë gati për ta adresuar, duke e bërë këtë trend të dytin me renditjen më të ulët për shkallën e gatishmërisë.

Në rastin e Shqipërisë, pjesëmarrësit u shprehën më të gatshëm për ta adresuar këtë trend sesa mesatarja globale.

Nga kuptueshmëria jonë, mendojmë se kjo lidhet me faktin se ky trend përfshin më shumë aspekte sesa dizenjimi i programeve të mirëqenies së punonjësve (well-being) apo rishikimi i skemave të përfitimeve (financiare dhe jo financiare) që po ndërmarrin kryesisht organizatat në vend.

Përfaqësimi i zërit të punonjësve
Burimi: Deloitte Albania

Pjesëmarrësve në vrojtim ju kërkua të identifikojnë çështjet në marrëdhënien e punësimit për të cilat punonjësit kanë kërkuar më shumë ndryshime.

Sipas të dhënave, si në vendin tonë ashtu dhe në rajon, përfitimet, zhvillimi profesional dhe kompensimi janë më të rëndësishmet.

Përfaqësimi i zërit të punonjësve
Burimi: Deloitte Albania

Ky trend u kërkon organizatave të mos jenë reaktive (të veprojnë vetëm kur punonjësit ngrenë zërin), por të jenë pro-aktive për të adresuar edhe çështje të tjera, efektet e të cilave janë më të mëdha në afatgjatë.

Për ta adresuar këtë trend, organizatat duhet të ndërtojnë një marrëdhënie të hapur, bashkëpunuese dhe bashkë-krijuese që i përfshin punonjësit në procesin e marrjes së vendimeve për çështje të lidhura me marrëdhënien e punësimit./ Monitor.al

Përfaqësimi i zërit të punonjësve





Lajmet e fundit nga