web counter
LEXO PA REKLAMA!

SHKARKO APP

App Store
Google Play

E fundit!

x

Shkolla nis me rënie prej 2.8% të numrit të nxënësve në Elbasan

9 Shtator 2024, 09:54, Aktualitet CNA
Shkolla nis me rënie prej 2.8% të numrit të nxënësve
Foto nxënësish, burimi: CNA

Ka nisur ditën e sotme viti i ri arsimor parauniversitar 2024-2025 me një rënie prej 2.8% të numrit të nxënësve që ulen në bankat e shkollës. Këtë vit në klasë të parë kanë hyrë 1164 nxënës, ndërsa në klasa të 10-të janë 1190 nxënës.

Krahasuar me vitin e kaluar, si pasojë e largimit nga vendi dhe rënies së numrit të lindjeve në klasa të para ka një ulje të numrit me 148 nxënës, ndërsa në klasa të dhjeta numri ulet me 106 nxënës.

Ndonëse numri i nxënësve është më i ulët këtë vit sërish fëmijët e emocionuar me lule në duar e të shoqëruar nga prindërit shprehin ndjesitë e tyre për këtë ditë të veçantë.

Mëngjesin e ditës së sotme është siguruar të merren të gjitha masat e nevojshme për të siguruar mbarëvajtjen e nisjes së vitit të ri shkollor teksa në dyert e shkollave u vendosën efektivë policie për të kontrolluar dhe trafikun, i cili ditën e sotme u pa më i rënduar.

Ky vit i ri arsimor në Elbasan nis me bashkimin e disa klasave, krijimin e shkollave vartëse dhe mësimit me dy turne si pasojë e uljes së numrit të nxënësve kryesisht në zona rurale, teksa nuk raportohet për shkolla të mbyllura./ CNA





Lajmet e fundit nga