web counter
LEXO PA REKLAMA!

SHKARKO APP

App Store
Google Play

E fundit!

x

2% më pak nxënës në Shkodër

9 Shtator 2024, 14:33, Aktualitet CNA

2% më pak nxënës janë ulur në bankat e shkollës në Shkodër për vitin e ri shkollor 2024-2025, në krahasim me vitin e kaluar shkollor.

Një gjë e tillë u bë e ditur nga drejtorja e ZVAP Shkodër, Brisela Kadija. Ajo tha se në klasë të parë janë regjistruar mbi 1200 nxënës, ndërsa në klasën e 10-të janë regjistruar mbi 1100.

Kadija garantoi se asnjë shkollë nuk rrezikon të mbyllet në vitin e ri shkollor në Shkodër. Por, në njësitë e largëta administrative rrezikohet të mos ketë nxënës në klasën e parë.

“Këta janë shkolla vartëse që përgjithësisht kanë pasur numër nxnësisht 19, 9, 8 nga viti në vit, që kanë bërë mësim në klasa të përqendruara. Dhë për shkak edhe të rritjes së cilësisë së arsimit, gjithëpërfshirjes së këtyre nxënësve, dhe me kërkesë të prindërve, këto shkolla do të përqendrohen.

Kemi shkolla në njësi shumë të largët administrative që rrezikojnë të mos kenë nxënës në klasën e parë. Kjo ndoshjta edhe për shkak të terrenit të vështirë, por edhe për shkak të ndryshimeve demografike të zonës. Institucione ka, ne rrezikojmë të mos kemi nxënës në klasë të parë, ndërkohë që kemi nxënës që frekuentojnë klasat e dyta, të treta dhe në vazhdimësi”, u shpreh ajo.

Vitin e ri shkollor, drejtues të arsimit dhe pushtetit vendor në Shkodër e nisen nga shkolla 9-vjeçare "Edith Durham"./ CNA





Lajmet e fundit nga