web counter
LEXO PA REKLAMA!

SHKARKO APP

App Store
Google Play

E fundit!

x

Bie numri i nxënësve/ Mbyllen disa shkolla në Qarkun e Korçës

9 Shtator 2024, 10:01, Aktualitet CNA
Bie numri i nxënësve/ Mbyllen disa shkolla në Qarkun e
Foto nxënësish, burimi: CNA

Ka nisur procesi mësimor edhe në shkollat e Qarkut të Korçës, ku vihet re një rënie e shifrave sa u përket nxënësve.

Rreth 300 nxënës më pak janë rregjistruar në klasën e parë, ku sipas shifrave nga viti i kaluar me 1698, këtë vit numri i regjistrimeve ka qenë 1302 nxënës.

Rreth 500 regjistrime më pak ka edhe në klasën e dhjetë ku nga 1779 të regjistruar vitin e kaluar këtë vit janë regjistruar 1277 nxënës.

Ajo çka e bën situatën alarmante në këtë fillimviti shkollor është mbyllja e disa shkollave në juglindje. Më konkretisht, në Kolonjë është mbyllur shkolla e ciklit fillor Kodras, në Devoll shkolla e ciklit fillor të Kapshticës dhe katër shkolla në Maliq për shkak të rënies së numrit të nxënësve, më konkretisht shkollat e fshatrave Mjaltas, Desmirë, Zvarisht dhe Osoje.

Sipas shifrave zyrtare, janë mbyllur 14 klasa në total në disa nga fshatrat e ZVAP Maliq.

Sa i përket rrethit të Korçës, nuk ka mbyllje të shkollave, por vetëm mbyllje të katër klasave, më konkretisht dy klasa të ciklit fillor në Kamenicë dhe dy klasa të ciklit të lartë në Kamenicë e Floq.

Në total, për këtë vit shkollor në rang qarku, numri i nxënësve është 21080./ CNA





Lajmet e fundit nga