web counter
LEXO PA REKLAMA!

SHKARKO APP

App Store
Google Play

E fundit!

x

Salianji në burg, Veliaj në zyrë

28 Shtator 2024, 14:21, Editorial Elvi FUNDO
Salianji në burg, Veliaj në zyrë
Fotomontazh - Ervin Salianji dhe Erion Veliaj

Është realitet, ndoshta dikush është gëzuar, dikush është thjeshtë indiferent, dikush e donte vërtet pas prangave Ervin Salianjin. (Lexo këtu)

Megjithatë, në realitetin shqiptar po shohim pas prangave me një vit burg, me vendim gjykate atë që ka denoncuar një kriminel për trafik droge, i cili përfundoi në qeli, qoftë edhe me një audio-përgjim të manipuluar. (Lexo këtu)

Nga ana tjetër, Erion Veliaj vazhdon të shkojë në zyrë, kryetari i organizatës së hajdutëve, ai që vetëquhet zdroms, njeriu që deri tani ka kaluar nga llogaritë e bashkisë nëpërmjet fondeve të qeverisë inceneratorit të Tiranës rreth 60 milionë lekë dhe rreth 60 të tjera ia ka dhënë nëpërmjet një kontrate për dherat, pra rreth 120 - 140 milionë euro për një incenerator që nuk ekziston në Tiranë. (Lexo këtu)

Salianji në burg, Veliaj në zyrë
Erion Veliaj

Salianji ka kaluar natën në burg, ndërsa Erion Veliaj ka fjetur në shtëpi.

Njeriu i dosjes “5D” do të shkojë sërish në zyrë, kryetari i organizatës së drejtorëve të dosjes “5D”, për të cilët na thanë se ishte një drejtor i liruar nga detyra por doli i gjithë grupi dhe në fakt është një grup i strukturuar kriminal. Deri tani ende ka disa akuza të lehta, prokuroria po heton. 

Njeriu që shembi teatrin është në zyrë, ndërhyn te drejtësia, thërret njerëz në takim, ka pushtet, ka bashkëpunëtorë, ka të tjerë drejtorë, vazhdon dirigjon. Teatrin e shemb Erion Veliaj, burgun e bën Ervin Salianji.

Unë nuk hyj te njerëzit që kanë pasur ndonjë simpati për Ervin Salianjin, përkundrazi, është modeli më i shëmtuar në poolitikë.

Për mua, sekti i dalë nga UET-i i Henri Çilit që hyri në PD, përfshi këtu Ervin Salianjin, Grida Dumën apo dhe Aldred Lelën që është te zyra e shtypit, janë pjesa më banale e asaj partie.

Për ata që thonë se Ervin Salianji ka bërë denoncime të mëdha, nuk e pashë ndonjë ditë të protestonte atje para Bashkisë së Tiranës, nuk e kam parë të bënte ndonjë denoncim për inceneratorët.

Salianji në burg, Veliaj në zyrë
Ervin Salianji

Thjesht dhe vetëm është një njeri që unë e kam quajtur të “sëmurë psiqik” për të dalë në media, për protagonizëm, për politikë, etj.

Gjithsesi, kjo pjesa e burgut të tij dhe qënia e Erion Veliajt në zyrë të lë një shije jo të keqe, por të helmon kur shikon se njeriu që pretendon se është kryetari i organizatës së hajdutëve të dosjes “5D”, njeriu që duhet të kontrollonte dhe bashkëmenaxhonte inceneratorin e Tiranës, ai që e ka kërkuar dhe e ka miratuar pa mbledhur këshillin bashkiak shkon në zyrë. (Lexo këtu)

Erion Veliajt po i hetohet pasuria. Gjatë kohës që ky u bë kryebashkiak, bashkëshortes së tij i lindi rrugës pasioni për artin. Ajola Xoxës gjithashtu po i hetohet pasuria.

Erion Veliaj po hetohet për shembjet te “5 Maji”, ndërsa Ervin Salianji ndodhet në burg.

Vazhdon të qëndrojë në zyrë Erion Veliaj, të shkojë edhe në SHBA, të ndjekë nga pas Edi Ramën për t’u pajtuar, megjithëse në të gjitha akuzat e ngritura nga prokurori, në të gjitha hetimet, në të gjitha denoncimet e bëra nga politika nuk ka mashtrim, nuk ka kallëzime të rreme, ka fakte, ka fonde publike të keqpërdorura, ka shembje objektesh, ka prova. (Lexo këtu)

Salianji në burg, Veliaj në zyrë
Erion Veliaj

Shqiptarët e kanë parë me sy shembjen e Teatrit Kombëtar, shmbjet te “5 Maji”, inceneratorin që nuk ekziston, hajdutët e dosjes “5D” që kishin shpikur kompani për të marrë fonde publike, prandaj është e neveritshme të shikosh të hyjë një zdroms në zyrë dhe një denoncues të shkojë në burg.

Për shpifje mund të dënohesh, por kurrsesi nuk mund të hyjë në burg Ervin Salianji, sepse me standardin që vendosi gjykata me të dje, Erion Veliaj duhet të dënohet me burgim të përjetshëm./ CNA





Lajmet e fundit nga