web counter
LEXO PA REKLAMA!

SHKARKO APP

App Store
Google Play

E fundit!

x

Si Veliaj mashtroi qytetarët për inceneratorin e Tiranës

17 Qershor 2024, 18:40, Politikë CNA
Si Veliaj mashtroi qytetarët për inceneratorin e Tiranës
Kryebashkiaku i Tiranës, Erion Veliaj, burimi i fotos: LSA

Drejtuesi i PD-së për Tiranën, Belind Këlliçi, ka zbuluar mashtrimin e kryebashkiakut të Tiranës, Erion Veliaj në lidhje me çmimin e mbetjeve në landfillin e Sharrës.

Veliaj ka deklaruar se e ka ulur çmimin e mbetjeve. Ai ka thënë disa herë në daljet e tij se në vitin 2014 PD ka propozuar që mbetjet të paguhen 38 euro/ton dhe se Bashkia e Tiranës e ka bërë 29 euro/ton.

Këlliçi analizoi këto pretendime duke treguar të vërtetën e studimit të IFC-së, të kryer në vitin 2014.

Ai tha në emisionin e Sonila Meços se në të vërtetë, shërbimin që Veliaj e paguan sot 29 euro/ton, PD e kishte propozuar me çmimin 12 euro/ton.

“Ka qenë pikërisht, ky studim, ky dokument që është zhdukur çuditërisht pas ardhjes së Erion Veliajt në krye të Bashkisë Tiranë, që i ka shërbyer Erion Veliajt si një justifikim publik për të ndërmarrë atë nismë që ndërmori, që ia dha “kompanisë holandeze”, që ishte Mirel Mërtiri dhe Klodian Zoto si prestanome, por që është Erion Veliaj si pronar faktik.

Ka gënjyer publikun shqiptar, ka gënjyer qytetarët e Tiranës dhe të gjithë shqiptarët për të paktën 7 vite me radhë në lidhje me këtë raport, një raport i detajuar i IFC-së, i Bankës Botërore, si një propozim në vitin 2014 që kërkonte të jepte me koncesion Bashkia e Tiranës, nën drejtimin e Bashës atëherë dhe të PD-së, për 20 vite përpunimin, trajtimin e mbetjeve, pastrimin e qytetit, zgjermin e landfillit, depozitimin e mbetjeve dhe koshat e rinj. Pra, i gjithë zinxhiri i procesit të mbetjeve propozohej nga IFC-ja të bëhet me 38 euro/ton.

Si Veliaj mashtroi qytetarët për inceneratorin e Tiranës
Landfilli i Sharrës, burimi CNA

Këtë dokument e ka marrë Erion Veliaj por jo vetëm, për hir të së vërtetës edhe kryeministri Rama në çdo studio. Kanë shkuar studio më studio kanë gënjyer, kanë thënë PD-ja e ka patur me 38 euro/ton dhe ne e kemi 29 euro/ton. Por këtu fillon dhe mashtrimi. Në propozim 12 euro/ton është përpunimi i mbetjeve, 26 euro/ton është depozitimi i mbetjeve dhe 38 euro/ton është tarifa për të bërë të gjithë zinxhirin”, u shpreh drejtuesi i PD-së për Tiranën.

Këlliçi akuzoi Veliajn se këtë dokument të IFC-së e kishte zhdukur për të mos patur gjurmë që e implikojnë në aferë.

“Veliaj ka zhdukur menjëherë sapo ka hyrë në bashki dokumentin dhe ka përdorur vetëm fabulën, ka përdorur vetëm numrin në mënyrë që të konfuzojë edhe qytetarët, edhe opinionin publik. Ky dokument kur ne e kemi kërkuar në komisionin hetimor të inceneratorëve në vitin 2022, nuk gjendej as në Bashkinë Tiranë, as në Ministrinë e Financave. Duhet të kuptojnë qytetarët se përse qëndron Erion Veliaj në zyrën e bashkisë çdo ditë. Erion Veliaj qëndron pikërisht për të zhdukur dokumente, për të ndërhyrë në protokoll, për të zhdukur prova dhe për të zhdukur fakte që e implikojnë në këtë aferë”, theksoi ai./ CNA





Lajmet e fundit nga