web counter
LEXO PA REKLAMA!

SHKARKO APP

App Store
Google Play

E fundit!

x

Skema se si do bashkohet Luli me Berishën

15 Qershor 2024, 15:01, Politikë CNA
Skema se si do bashkohet Luli me Berishën
Lulzim Basha

Lulzim Basha ka dalë me një sigël të modifikuar nën sloganin: "Shqipëria meriton më shumë". Ajo që vihet re është sigla e Partisë Demokratike të Shqipërisë, me nëntitullin "Demokratët Euroatlantikë".

Ndërsa Luli vazhdon lojën e gjasme ankimimit në Gjykatën e Lartë, ndërsa kjo Gjykatë e ka shqyrtuar një herë ankimimin e Bashës, ky i fundit po kujdeset të modifikojë paksa simbolet e Partisë Demokratike!

Nëntitulli "Demokratët Euroatlantikë" nuk mund të jetë deniminim i një subjekti të ri politik. Mes rreshtave, në deklaratat e Bashës për "kokrrat" që i kanë mbetur në ambientet ku zhvillon "mbledhjet", e ka thënë që nuk para preferon të shkojë të mbledhë nënshkrime për një parti të re.

Luli gjithashtu mes rreshtave u ka sqaruar "kokrrave", që ankimimi në Gjykatën e Lartë mund të mos shërbejë, meqë Berisha paska bërë aleancë me Ramën! Luli mes rreshtave ka pretenduar se ai ka vetëm hallin e elektoratit të djathtë dhe jo hallin e karriges së tij. Domethënë nuk lufton për Kryetar!

Luli në fakt duhet dëgjuar veç per ato copat e fjalive që thotë në ligjëratat e veta. Sepse ato janë fjalitë për të cilat ka marrë porosi që t'i thotë. Pjesën tjetër Luli është mjeshtër vetë dhe e mbush kollaj me lloj lloj mashtrimesh e gënjeshtrash. Kaq i kanë lënë në dorë duke ditur që s'ja ha qeni shkopin për të mbushur bidonët e deklaratave me ujë.

Lulzim Basha thjesht po merr kohë duke bërë sikur po kërkon të gjejë zgjidhjet. E ndërkohë i vuri të gjithë të shohin siglën e re te Demokratëve Euroatlantikë!

Ndërsa të gjithë merren me thesin me gënjeshtra për gjasme ankimimin për vulën që Basha do ta marrë në Gjykatën e Lartë, Basha ka shpalosur çarçafin e Demokratëve Euroatlantikë si FRAKSION brenda Partiase Demokratike!

Sali Berisha në statutet e veta ja ka hapur me kohë rrugën Lulëzimit për Euroatlantikët e tij.

(A thua se pjesa tjetër e PD nuk qenkan Euroatlantik).

Ndërkohë cicmicet e deklaratave të porositura duan të na bëjnë të besojmë se këta Euroatlantikët e Bashës qenkan edhe antiberishist!

Sa të mësohen "kokrrat" me panjet e çarçafit euroatlantik, Basha bën gjasme politike me vendimin e Gjykatës së Apelit e cila me vendimin e saj thjesht ka zbatuar në mënyrë të drejtpërdrejtë një vendim të Gjykatës së Lartë!

Gjykata e Apelit u investua ndaj çështjes së Vulës dhe siglës së PD, pasi Gjykata e Lartë në Dhjetor 2023 mori vendim dhe e ktheu çështjen për shqyrtim në Gjykatën e Apelit.

Gjykata e Apelit ekzekutoi vendimin e Gjykatës se Lartë për MOSLEGJITIMIMIN E GRUPIT TË LULZIM BASHËS SI ANKUES NË NJË PROÇES DEPOZITIMI VENDIMESH NGA FOLTORJA.

Gjykata e Lartë në të njëjtin vendim ka nxjerrë konkluzionet edhe për ANKUESIN BASHA.

Me vendim, Gjykata e Lartë i ka shpjeguar Bashës që ai nuk legjitimohet si ankues në një proces me një palë, (siç është rasti i depozitimit nga Foltorja i dokumentave dhe vendimeve statutore dhe të tjera) dhe i thënë Bashës që nëse ky do ketë ankesa për vendimet e marra nga Foltorja, duhet të angazhohet me një proces më vete.

GJYKATA E LARTE ja ka bërë të qartë BASHËS, që nëse ka pretendime ndaj depozitimit në Regjistrin e Partive të dokumenteve të Foltores, atëherë duhet të ankohet në Gjykatën e shkallës së parë ku mbahet Regjistri i Partive Politike.

Fillimisht Basha shtroi si alternativë "do shkojmë apo nuk do shkojmë me ankimim në Gjykatën të Lartë". Pas 4 ditëve del e thotë do shkojmë të ankohemi në Gjykatën e Lartë.

Basha po kërkon thjesht të fitojë kohë e ndërkohë t'i mësojë avash avash qëndrestarët e posht-ballkonit me idenë e bashkimit të Euroatlantistëve "për hir të demokratëve", (jo-atlantist??).

Atë ditë Basha do shkojë t'i rrëmbejë mikrofonin Gazit dhe të tjerëve, poshtë ballkonit të Berishës. Dhe Euroatlantist e Jo-euroatlantist do bërtasin "Fitore". Të pakënaqurit duhet të ruajnë pështymën, sepse shumë shpejt do u duhet që të lëpijnë plagët. Bashkimi kërkon sakrifica!/ CNA

 





Lajmet e fundit nga