web counter
LEXO PA REKLAMA!

SHKARKO APP

App Store
Google Play

Luan Baçi: Komisioni i posaçëm, pisllëk i mazhorancës

16 Qershor 2024, 18:02, Politikë CNA
Luan Baçi: Komisioni i posaçëm, pisllëk i
Deputeti i PD-së, Luan Baçi. Foto nga Kuvendi

Deputeti i PD-së, Luan Baçi ka folur pasditen e kësaj të diele për bojkotimin nga opozita të komisionit të posaçëm, që do të thërrasë në apel institucionet e shtetit.

Baçi e cilësoi komisionin si një pisllëk të mazhorancës, teksa tha se pjesëmarrja e opozitës do të ishte vetëm një “makijazh” për qeverinë.

Ai deklaroi në Syri Tv se ky komision i posaçëm, i ngritur nga mazhoranca, do ta bënte opozitën një fasadë.

“Ne nuk po bojkotojmë asnjë lloj komisioni që është i ligjshem por një komision që ngrihet me iniciativën e mazhorancës dhe me rregulla që vendos mazhoranca, pa objektiv, pa qëllim paraprak dhe pa biseduar me opozitën atëherë dhe ne si opozitë nuk e shikojmë më të drejtë që të bëhemi pjesë e një komisioni, që quhet Komision i Posaçëm Antikorrupsion, në një komision që paracaktohen dhe deputetët që do marrin pjesë aty dhe do jenë drejtues apo nëndrejtues të komisioneve ë përhershme parlamentare.

Pra një komision-antikorrupsion që do të drejtohet dhe menaxhohet nga e majta, duke pasur mazhornacën ata, duke pasur kryetarin ata, pra pjesë marrja e opozitës në një komision të tillë të ngritur nga mazhoranca për qëllime do thoja ‘makijazhi’ të qeverisë… dhe opozitën ta bëje një fasadë.

Parë në këtë këndvështrim... vendimi i opozitës është mëse i drejtë që të mos bëhet pjesë e këtij komisioni të ngritur nga mazhoranca, me qëllimin për të pastruar nga pisllëku mazhorancën, për të thënë që kjo mazhorancë qenka duke bërë një komision anti-korrupsion, duke dashur të bëjë pjesë opozitën duke thënë ‘ne luftojmë bashkë me opozitën kundër korrupsionit’”, theksoi deputeti i PD-së./ CNA





Lajmet e fundit nga