web counter
LEXO PA REKLAMA!

SHKARKO APP

App Store
Google Play

E fundit!

x

"Jam qitës më i shpejtë se Putin"/ Luli tregon bisedën me George Bush

17 Qershor 2024, 16:12, Politikë CNA
"Jam qitës më i shpejtë se Putin"/ Luli tregon
Lulzim Basha, marrë nga Facebook

Një ditë më parë, Lulzim Basha zhvilloi një vizitë në Prekaz nga kulla e Jasharëve, ku rrëfeu lidhjen e tij me Kosovën si dhe kohën kur punonte për Gjykatën Ndërkombëtare të Hagës dhe Misionin e OKB-së.

Ai tregoi edhe bisedën e tij me presidentin amerikan George Bush, gjatë vizitës që ky i fundit bëri në Shqipëri në 10 qershor të vitit 2007. 

Sipas Bashës, Bush i ka thënë se me Vladimir Putin, presidentin e Rusisë shikohen si dy kaubojsa që "kush është ai që po tërheq i pari pistoletën". 

Më pas, Bush duke qeshur tha e se është "qitës më i shpejtë se Putin". 

"Mbaj mend një pjesë tjetër të bisedës, që vërtitej rreth Putinit, në një moment thotë “me Rusinë kjo punë ka për të vazhduar kështu siç ka nisur”, dhe përdori këtë shprehje, “se unë dhe Vladi (e kishte fjalën për Putinin), po shikohemi sy më sy për këtë punën e Kosovës”, si dy kaubojsa tha, dhe po shikojmë se kush është ai që po tërheq i pari pistoletën. Pastaj bëri një lëvizje dore dhe tha “I’m a quick shot” (jam qitës më i shpejtë), qeshëm të gjithë. Një moment relaksues por edhe përmbushës. Gjysmë ore më vonë doli tha “Time is now” (koha është tani). Provokoi reagime se 'kjo ishte një deklaratë e njëanëshme, lëvizjet unilaterale nuk ndihmojnë”, etj. etj., dhe që ne, diplomacia shqiptare, e ktheu në favor, dhe tha që as bllokimet unilaterale nuk ndihmojnë, duke iu referuar bllokimit që Rusia po i bënte një procesi që natyrshëm po vinte drejt fundit'”, ka treguar Basha./ CNA 





Lajmet e fundit nga