web counter
LEXO PA REKLAMA!

SHKARKO APP

App Store
Google Play

“Non grata” e Berishës/ Manjani: Politikanët maten me sukses elektoral, jo me gjyqe

17 Qershor 2024, 15:33, Politikë CNA
“Non grata” e Berishës/ Manjani: Politikanët maten me
Ish-ministri i Drejtësisë, Ylli Manjani. Burimi, LSA

Ish-ministri i Drejtësisë, Ylli Manjani, ka reaguar në lidhje me vendimin e SIAC, i cili ka rrëzuar ankimimin e ish-kryeministrit Sali Berisha për shpalljen "non grata" nga Britania e Madhe. 

Në një status në rrjetet sociale, Manjani thotë se politikanët nuk maten nga gjyqet e fituara dhe ato të humbura, por nga suksesi elektoral dhe politik.

Ai sjell rastin e ish-presidentit amerikan, Donald Trump, për të cilin deklaron se është një kandidat serioz për të marrë Shtëpinë e Bardhë, pavarësisht se ka humbur të gjitha gjyqet.

“Goditjet politike, ose për shkak të politikës, nuk neutralizohen kurrë me mjete juridike. Për fat të keq kështu është, në Shqipëri e gjithandej.

Politikanët quhen të sukseshëm sepse dinë ti mbijetojnë goditjeve politike.

Ideja që drejtësia është e pavarur nga politika, për fat të keq mbetet fiksion. Në Tiranë, Londër, Ëashinton, Bruksel e gjithandej, fiksion është. Ky fiksion tashmë është dukshëm i lexueshëm.

Politikanët gjithandej maten me sukses elektoral ose sukses politik kur goditen dhe jo me gjyqe të humbura apo të fituara. Se te kush pretendon të fitosh gjyqin tek "pronari" i gjyqit?!!

Shihni Trump, nuk ka fituar asnjë gjyq deri tani, por është kandidat serioz për të marrë Shtëpinë e Bardhë.

Shihni edhe "nongratat" në vende të tjera që as e qethin fare të bëjnë gjyqe sepse thjesht bëjnë vota në vëndet e tyre.

Është kaq e thjeshtë kjo punë!

Nëse votohesh në vendin tënd nderohesh e respektohesh nga çdo vend tjetër. Në të kundërt nuk i duhesh askujt”, shkruan Manjani./ CNA





Lajmet e fundit nga