web counter
LEXO PA REKLAMA!

SHKARKO APP

App Store
Google Play

E fundit!

x

Luli: Fajin e ka Saliu

17 Qershor 2024, 17:37, Politikë CNA
Luli: Fajin e ka Saliu
Lulzim Basha, foto e marrë nga PD-ja e tij

Lulzim Basha është hedhur në sulm ndaj ish-kryeministrit Sali Berisha pas deklaratave të fundit të tij në lidhje me sanksionin “non-grata”.

Basha akuzon Berishën për marrëveshje me kryeministrin Edi Rama, ndërkohë që ishte ai vetë që bëri pazar me kreun e qeverisë.

Këtë e kanë treguar veprimet e tij vit pas viti, pasi i dha Ramës fitoren absolute me djegien e mandateve apo bojkotin e zgjedhjeve.

Gjithashtu, Basha ia lë fajin Berishës për përçarjen e opozitës, ndonëse ishte ai me vendimet e tij që dërgoi opozitën në humbje të njëpasnjëshme dhe më pas në ndarje.

Luli ka listuar edhe një sërë akuzash të tjera ndaj Berishës, duke hequr çdo përgjegjësi nga vetja dhe duke ecur me parimin “fajin e ka Saliu”.

Skaneri që Luli është munduar t’i bëjë liderit historik të PD-së, është pasqyra më reale ku ai mund të shohë vetveten.

Deklarata e plotë:

Në vend që të sqarojë demokratët për pengimin që po i bën opozitës për interesa thellësisht personale, Berisha ngre pretendime imagjinare ndaj meje pas humbjes së gjyqit për heqjen e "Non gratës" nga Britania e Madhe.

Për çdo shqiptar sot është e qartë, dhe u faktua edhe me vendimin e paligjshëm për Partinë Demokratike, se Sali Berisha është në të njëjtin pazar me Edi Ramën, siç ishte me ndryshimet kushtetuese të 2008-ës.

Sali Berishës i duhet vula për të përdorur demokratët si mburojë për hallet e tij dhe familjes së tij; Edi Ramës pushteti për t’u mbrojtur nga i njëjti fat si paraardhësi i tij.

Përrallave të Sali Berishës u ka dalë boja prej tre vitesh. Përmes tyre mban peng Partinë Demokratike për hallin e tij personal, duke vazhduar pazarin e vjetër me Ramën, për të mbajtur status quo-në.

Rruga pa krye ku ka futur veten dhe demokratët është sot e vetmja arsye pse qeveria më e korruptuar në Europë qëndron në këmbë.

Pengimi i ndryshimit, pengimi i Reformës Zgjedhore, sulmet ndaj SPAK, amnistimi i të korruptuarve, pazari për vulën, janë prova të qarta të bashkëpunimit Rama-Berisha, për interesat e tyre, kundër interesave të shqiptarëve.

Shqiptarët nuk meritojnë një opozitë të mbyllur në ankthin e interesave personale të një individi, i cili sot i bën fresk qeverisë vetëm për hallin e tij.

Qeveria më e korruptuar në Europë meriton të ketë përballë alternativën që u ofron shqiptarëve ndryshim.

Loja hilacake mes Ramës dhe Berishës për të mbrojtur gjendjen e mjerueshme në të cilën ndodhet ekonomia, politika dhe demokracia shqiptare, duhet dhe do të marrë fund.

Shqiptarët meritojnë më shumë!/ CNA





Lajmet e fundit nga