web counter
LEXO PA REKLAMA!

SHKARKO APP

App Store
Google Play

E fundit!

x

Kë shqetëson SPAK-u dhe pse sulmohet?

17 Tetor 2024, 14:58, Editorial CNA
Kë shqetëson SPAK-u dhe pse sulmohet?
SPAK

Një institucion i krijuar pas Reformës në Drejtësi dhe ndoshta i vetmi ku ende shpresohet dhe theksohet se nuk është i gjithi i kapur.

Pra, drejtësia me reformën e saj na dha institucione të kapura të kontestuara, por në SPAK me ardhjen e Altin Dumanit ende ka shpresë, ende ka argumente se ky institucion është i lirë dhe mund të sjellë ndryshime thelbësore në luftën ndaj krimit dhe korrupsionit në vend. (Lexo këtu)

Faktet flasin vetë. Lufta me grupet kriminale, me bandat në Shqipëri, të cilat janë arrestuar, larguar apo çmontuar, qindra ngjarje të zbardhura nga Sky Enchrochat nga dëshmitarë që i kanë provuar ato nga bashkëpunëtorë të drejtësisë e kështu me radhë. (Lexo këtu)

Të gjitha këto janë në SPAK. Ministra, ish-zyrtarë të lartë, kryetarë bashkish të burgosur në hetim, deri te të paprekshmit, ish-kryeministrit Berisha, i cili e konteston procesin e tij dhe në fakt gjatë gjithë kohës ka sulmuar institucionin e SPAK-ut. (Lexo këtu)

Kë shqetëson SPAK-u dhe pse sulmohet?
Kryetari i PD-së, Sali Berisha

Ndërkohë, nga ana tjetër, një sulm ndaj SPAK-ut erdhi dhe nga mazhoranca duke krijuar një komision për t’i thirrur në Apel institucionet e drejtësisë gjoja në emër të procesit të integrimit, kur në fakt qeveria mund ta udhëhiqte krejt ndryshe këtë lloj procesi, duke i ftuar, duke bashkëpunuar, duke krijuar një frymë tjetër edhe me opozitën, edhe brenda dhe jashtë parlamentit. (Lexo këtu)

Kjo nuk ndodhi dhe SPAK-u është nën sulm. Është në sulm nga interesat kriminale të bandave të arrestuara, nga interesat politike, patjetër që Rilindja dhe socialistët fërkojnë barkun kur shohin Berishën në ballkon, por ata e dinë shumë mirë që “karma is a bitch”. Atyre do t’u kthehet pas.

Janë dhjetëra zyrtarë socialistë, ish-zëvendëskryeministri, ministra, edhe vetë Arben Ahmetaj e ka kontestuar SPAK-un, ashtu si Sali Berisha.

Dhe zyrtarë të lartë të PS-së e kontestojnë, dikush fërkon duart, por dikush e di që një ditë SPAK-u mund t’u trokasë te dera.

Si kryebashkiaku Erion Veliaj që thoshte se e kishte SPAK-un nën kontroll, por tashmë hetohet për 5-6 çështje dhe ka një hetim të rëndësishëm të pasurisë. (Lexo këtu)

Kë shqetëson SPAK-u dhe pse sulmohet?
Erion Veliaj

Prandaj dhe SPAK-u luftohet. Për interesat e krimit dhe për interesat e politikës, për asgjë më tej.

A ka njerëz dhe individë në SPAK që bashkëpunojnë me krimin, që bashkëpunojnë me politikën?

Patjetër, gjithmonë ka pasur, ka pasur në Itali, ka pasur në Evropë, do të ketë dhe në Shqipëri, procese të tilla sjellin dhe të tillë individë që nuk shkëputen dot nga lidhjet me krimin, nga lidhjet me politikën, nga lidhjet me korrupsionin, por e rëndësishme është që SPAK-u po sulmohet nga politika dhe krimi sepse kjo na tregon se ky institucion është ende i pakapur dhe pavarësisht pritshmërive të larta dhe të shpejta të shqiptarëve, rezultatet nuk janë të pavlerësueshme, janë ndoshta jospektakolare, ndoshta jo me shpejtësinë që presin njerëzit, por lufta ndaj krimit ka qenë e fortë, lufta ndaj korrupsionit ka qenë e fortë. (Lexo këtu)

Kë shqetëson SPAK-u dhe pse sulmohet?
SPAK

Tani të shpresojmë te peshqit e mëdhenj. Janë plot peshq të mëdhenj në proces, janë plot peshq të mëdhenj të burgosur dhe jo vetëm shpresojmë që edhe njëherë që SPAK-u do të bëjë detyrën dhe do të ngelet ai institucioni i vetëm shpresëdhënës që sa më shumë sulmohet nga politika dhe sa më shumë sulmohet nga krimi aq më fort bëhet i besueshëm se ka luftuar dhe ka ndjekur rrugën e duhur pikërisht në zbatim të ligjit dhe detyrës që ka për të kryer./ CNA





Lajmet e fundit nga