web counter
LEXO PA REKLAMA!

SHKARKO APP

App Store
Google Play

Si Ajola Xoxa po çon drejt burgut burrin e saj

6 Dhjetor 2024, 12:57, Editorial CNA

Ajola Xoxa, një juriste me dyshimet se edhe studimet nuk i ka kryer tamam, u kthye në një kuratore arti.

Bashkëshortja e kryebashkiakut të Tiranës gjeti një pasion dhe filloi të hapte ekspozitat dhe të bënte edhe instalacione falas tek inceneratori i Tiranës që nuk ekziston.

Të mbante në Bllok një godinë që e ka qiranë sipas kompanive imobiliare, rreth 25 mijë euro në muaj, ta merrte pa lekë, falas, ndërkohë pronarët e këtij objekti fitonin tender 720 milionë lekë nga Bashkia e Tiranës, një tender i shpikur, performancë.

CNA ka raportuar shumë kundër kryebashkiakut Erion Veliaj dhe është normale që mediat të shkruajnë për Bashkinë e Tiranës, për aferat, dosja “5D” ishte një skandal i padëgjuar më parë që nuk mjaftonin të merrnin vetëm përqindjet e korrupsionit, por donin t’i vidhnin të gjitha dhe ato para ishte taksat e shqiptarëve të varfër, banorëve të kryeqytetit. Inceneratori që nuk ekziston, ndërkohë që na thuhej kompani holandeze nga Erion Veliaj ,ndërkohë që na thuhej se duhet zhvilluar dhe pastruar Tirana se e kishte propozuar ky inceneratorin.

Tani ja ku jemi, përballë faktit. Të gjitha ato që ne kemi shkruar me muaj, ndoshta dhe vite, po vërtetohen.

Po ajo që është më problematike në këtë histori është se Ajola Xoxa po fut burrin e saj në burg. Është i provuar me dokumente objekti i marrë nga Ajola Xoxa, është i provuar me dokumente tenderi i ftuar nga pronarët e objektit nga Bashkia e Tiranës.

Lidhja e Ajola Xoxës me Gentian Sulën e kompanisë “NOA Control,Control & Management system certification DOO” ”, është përftuese e 720 milionë lekëve të vjetër nga Bashkia e Tiranës.

Lidhja e Ajola Xoxës, bashkëshortes së Erion Veliajt, shkon te Bashkia e Tiranës, sepse ajo ka fituar tenderë.

Ajola merr pa qira një objekt nga Gentian Sula, gruaja e tij dhe disa bashkëpronarë të tjerë dhe kjo pronë që i shërben Ajolës për pasionet e saj me artin, kanë një vlerë qiraje mjaft të lartë.

Nga ana tjetër, qiraja nuk paguhet, por një nga bashkëpronarët e asaj prone përfiton tenderë qindra miliona lekë te bashkëshorti i Ajolës në Bashkinë e Tiranës, Erion Veliaj. Këto janë fakte me dokumente, të cilat tregojnë qartazi aktivitetin e Erion Veliajt, bashkëshortes së tij, lidhjen me bizneset, përfituesit e fondeve publike, të cilat dalin nga xhepat e shqiptarëve dhe shkojnë në shërbim të Ajola Xoxës, ku kuptohet, ndërmjetësi është kryebashkiaku Erion Veliaj./ CNA

 





Lajmet e fundit nga