“5D” në mes të Bllokut/ Godina me qira 25 mijë euro e dhënë falas për Ajola Xoxën

21 Nëntor 2024, 11:19, Denoncim CNA

“5D” në mes të Bllokut/ Godina me qira 25 mijë euro e

Bashkëshortja e kryebashkiakut të Tiranës, Ajola Xoxa, administron prej vitesh një godinë ku ka vendosur “NAAN Gallery”, e cila ka sipërfaqe 269 metra katrorë dhe rreth 1100 metër truall pa asnjë qira.

Pyetja është e thjeshtë: Pse i jepet ky objekt Ajolës falas nga pronarët?

CNA, dje tregoi me fakte përfitimin që kishte marrë një nga pronarët e objektit që qiranë duhet ta kishte mjaft të majme, por të majme ishin edhe të ardhurat që i vinin nga Bashkia e Tiranës, të ardhura të majme që vinin nga tenderë me flamur të kuq, të ardhura të majme, të cilat nuk ishin vetëm për Gentian Sulën që ne raportuam, por edhe për pronarë të tjerë direkt apo indirekt. (LEXO KETU)

“5D” në mes të Bllokut/ Godina me qira 25 mijë euro e

Tender që ka përfituar kompania "Intersig Vienna Insurance"

Është e qartë se një objekt në mes të Bllokut si ai ku është galeria “NAAN” e Ajola Xoxës, qiranë mujore sipas agjencive imobiliare, duke llogaritur me një çmim 20-25 euro për metër katrorë sipas zonës, vetëm godina minimalisht do të shkonte 7000 euro në muaj, me gjithë truallin shumë më tepër. Ai objekt, sipas të dhënave të mirëkonfirmuara edhe nga agjencitë e vetë bashkëpronarëve të atij objekti, shkon me rreth 25 mijë euro në muaj, përafërsisht.

Pra, nga viti 2020 deri më sot, Ajola Xoxa në rast se do të kishte marrë një objekt me qira, i njëjtë si ai në atë zonë, do të duhet të kishte paguar të paktën 300 mijë euro në vit afërsisht, në total ndoshta rreth 1.2 milionë euro, ndoshta edhe më shumë.

“5D” në mes të Bllokut/ Godina me qira 25 mijë euro e

Është një nga godinat, vilat, më unike që ka kryeqyteti dhe është kthyer në një galeri për të bërë ekspozita falas Ajola Xoxa, e cila është kthyer në një kuratore arti, të cilin e ka pasion.

Bashkëshorti i saj është kryebashkiak i Tiranës, ndërsa Ajola kuron art në godinën në mes të Bllokut, objekte të cilat kanë qira marramendëse, por asaj i jepen falas.

Galeria “NAAN” në Bllok dhe vila pa zot që Ajola Xoxa e përdor pa pagesë
16 Korrik, 19:14

Ky është fakt i pranuar, i verifikuar, i treguar me dokumente nga CNA, por ka institucione, të cilat nuk kanë sy dhe veshë.

Ekskluzive - Zbulohen lidhjet/ Bashkëpronari i objektit pa qira të Ajola Xoxës, tenderë në Bashkinë e Tiranës
19 Nëntor, 22:00

Ka dhe të tjera, në fakt, siç është SPAK-u që po heton shumë dosje të Erion Veliajt dhe besojmë që investigimi ynë i djeshëm i ka dhënë një dorë dosjes së tyre që ndoshta ata e kanë, por të shikosh një “5D” tjetër, ama jo në bashki, publike, në mes të Bllokut, është njësoj skandaloze, është njësoj sikur të të hedhin hi syve. (LEXO KETU)

Pra, ta shohësh që është një godinë që duhet paguar një qira marramendëse, por nuk paguan asnjë lekë, as qira. Pse? Sepse atë e ka Ajola!

Për ta mbyllur: Pse i jepet një godinë që duhet të ketë qira 25 mijë euro në muaj pa para Ajola Xoxës?

Gjithçka që kemi shkruar më sipër e merr përgjigjen nga kjo pyetje./ CNA