web counter
LEXO PA REKLAMA!

SHKARKO APP

App Store
Google Play

E fundit!

x

Në panik nga hetimet e SPAK-ut/ Bashkia e Tiranës nis spastrimin, hiqen kamionë me materiale

14 Nëntor 2024, 12:58, Denoncim CNA
Në panik nga hetimet e SPAK-ut/ Bashkia e Tiranës nis spastrimin,
Fotomontazh - Bashkia e Tiranës, Erion Veliaj

SPAK-u është duke hetuar disa afera korruptive në të cilat është përfshirë Bashkia e Tiranës.

Rreth dy muaj më parë, gati dy kamionë me dokumente u morën nga oficerët e BKH-së për disa çështje që janë në hetim. (Lexo këtu)

Ndërkohë, opozita ka ngritur alarmin se punonjësit e Bashkisë së Tiranës po zhdukin dokumente të tjera që lidhen me korrupsionin e drejtorëve të Erion Veliajt.

Në panik nga hetimet e SPAK-ut/ Bashkia e Tiranës nis spastrimin,
Kryetari i Bashkisë së Tiranës, Erion Veliaj

Drejtuesi Politik i PD-së për Tiranën, Belind Këlliçi, denoncoi se drejtorët e Veliajt po plotësojnë nga burgu dokumente që mbajnë data të viteve më parë për të ndërhyrë në protokoll. (Lexo këtu)

Këtë të enjte, CNA ka siguruar një video, ku shihet se nga Bashkia e Tiranës po hiqen disa materiale.

Në pamje vihet re se në kamionçinë po ngarkohen disa kuti dhe kompjutera.

Këto pamje ngrenë edhe më shumë dyshime për largimin e dokumenteve nga ambientet e bashkisë, siç ka denoncuar opozita. (Lexo këtu)

Në panik nga hetimet e SPAK-ut/ Bashkia e Tiranës nis spastrimin,
Bashkia e Tiranës

Kujtojmë se për aferat janë arrestuar disa drejtorë të Erion Veliajt, ndërsa të tjera masa sigurimi pritet të lëshohen nga prokurorët e posaçëm.

Një nga çështjet më madhore është ajo e inceneratorëve, pasuar nga dosja “5D” për të cilën janë pas hekurave bashkëpunëtorët e ngushtë të Erion Veliajt. (Lexo këtu)

Çështje të tjera në hetim janë shembja e Teatrit, ndërtimi te "5 Maji" dhe kullat në Tiranë.

Gjithashtu, SPAK-u po kryen edhe një hetim pasuror për Veliajn dhe familjarët e tij./ CNA





Lajmet e fundit nga