web counter
LEXO PA REKLAMA!

SHKARKO APP

App Store
Google Play

E fundit!

x

Erion Veliaj shet drejtorët, gati prangat

25 Tetor 2024, 15:01, Politikë CNA
Erion Veliaj shet drejtorët, gati prangat
Erion Veliaj

Erion Veliaj është vënë në lëvizje pas arrestimeve të drejtorëve hajdutë dhe hetimeve të SPAK-ut për dosjet e inceneratorëve dhe dosjes famoze “5D”.

Sot, kryetari i organizatës së hajdutëve në Bashkinë e Tiranës, Erion Veliaj, ka shkarkuar 10 drejtorë, duke i zëvendësuar me emra të rinj.

Nga paniku i hetimeve që po kryen SPAK-u për këto dosje, Veliaj politikisht duket se i ka shitur drejtorët e tij hajdutë, të cilët janë në hetim për inceneratorët dhe dosjen “5D”, afera të denoncuara nga CNA dhe drejtuesi politik i PD-së për Tiranën Belind Këlliçi.

Veliaj me këtë lëvizje taktike i ka lëshuar në duart e SPAK-ut drejtorët, duke i zëvendësuar ata me drejtorë të rinj.

Nga njëra anë Veliaj thotë se SPAK-u do t’i mbajë pak muaj në burg dhe do t’i shpëtojë, por në fakt mjafton të shikojmë Taulant Tushen, drejtorin e Veliajt të kapur në aferën e inceneratorit të Tiranës dhe dosjen “5D”, i cili po bën 1 vit në burg për të kuptuar se çfarë do të ndodhë me kolegët e tjerë të tij, ku disa prej tyre vazhdojnë të qëndrojnë qelive.

SPAK-u pritet të lëshojë të tjera urdhër-arreste për zyrtarët e lartë të Bashkisë së Tiranës dhe kjo lëvizje e Veliajt, është pikërisht lëvizje e një njeriu që kërkon të pastrojë fytyrën nga korrupsioni dhe për të mos i arrestuar drejtorët në detyrë ka kryer veprimet e fundit duke i zëvendësuar me emra të tjerë.

Veliaj po i kryen këto lëvizje për të mbuluar korrupsionin dhe aferat që kanë mbërthyer Bashkinë e Tiranës, drejtorët e së cilës kanë shtrirë tentakulat e tyre deri tek inceneratorët.

Ky veprim i Veliajt nuk tregon asgjë tjetër veçse kryebashkiaku po i lëshon SPAK-ut drejtorët e tij të implikuar në afera./ CNA

 





Lajmet e fundit nga