web counter
LEXO PA REKLAMA!

SHKARKO APP

App Store
Google Play

E fundit!

x

Dizdari nxjerr shifrat/ Si gënjeu Mirela Kumbaro

24 Tetor 2024, 20:05, Politikë CNA
Dizdari nxjerr shifrat/ Si gënjeu Mirela Kumbaro
Anëtarja e Këshillit Kombëtar të PD-së, Fjoralba Dizdari

Anëtarja e Këshillit Kombëtar të PD-së, Fjoralba Dizdari, ka zbuluar me shifra propagandën e ministres së Turizmit, Mirela Kumbaro.

Kumbaro ka deklaruar se deri në muajin gusht Shqipëria është vizituar nga 8.5 milionë turistë, shifër për të cilën Dizdari ka thënë se nuk përputhet me të dhënat e INSTAT-it.

Ajo është shprehur se statistikat që nxirren sot janë një kryqëzim i burimeve të ndryshme nga INSTAT, Tatimet, Ministria e Financave apo Bashkitë, duke çoroditur opinionin publik me shifra konfuze.

Deklatrata e plotë:

Në një dalje publike Ministria e Turizmit, Znj. Kumbaro deklaroi se këtë vit Shqipëria deri në muajin Gusht është vizituar nga 8.5 miljon vizitorë të huaj, ndërkohë që sipas të dhënave të INSTAT, Shqipëria për periudhën Janar - Korrik të këtij viti, eshtë vizituar nga 6,4 milion të huaj, dhe vetëm 1,6 milion nga këta të huaj, kanë fjetur në struktura akomoduese, që do të thotë se shumë pak është harxhuar në strukturat akomoduese, hoteleri. https://www.instat.gov.al/al/temat/industria-tregtia-dhe-shërbimet/statistikat-e-turizmit/#tab2

Në Turizmin shëndetësor, shifrat janë ulur ndjeshëm. Në vitin 2022 kanë hyrë në Shqipëri për këtë arsye rreth 2300 shtetas të huaj, ndërsa në vitin 2023 kjo shifër është reduktuar me 60 %, në 950 turistë dhe nga Janari deri në Korrik të këtij viti, numri i këtyre turistëve është ulur në 483 turist.

Pse kjo qeveri që e ka aq për zemër turizmin, akoma nuk e ka ngritur Sistemin e Statistikave të dedikuar për turizmin SAT (Satellite Account of Tourism) një platformë ku me anë të saj, do të mund të kemi të dhëna të sakta vetëm për sektorin e turizmit, ndonëse u premtua që kjo platformë do të jetë e gatshme për 2024, por ende nuk po shohim asgjë.

Statistikat që nxirren sot janë një kryqëzim i burimeve të ndryshme nga Instat, Tatime, Ministria e Financave apo Bashkitë duke çoroditur opinionin publik me shifra konfuze.

Ajo çka u reflektua sivjet në plazhet e vendit, është pikërisht dështimi i Qeverisë Shqiptare në manaxhimin e turizmit bregdetar (det dhe diell). Ndërkohë, që sivjet, po ashtu ajo dështoi me sukses, në manaxhimin e turizmit natyror, malor e ndërqytetas, si rezultat i mungesës së kapaciteteve akomoduese dhe linjave të transportit nga qyteti në qytet.

Në këto kushte turistët u detyruan të marrin mjete alternative transporti, ku çmimet si i naftës dhe i kompanive turistike ishin të larta.

Kryeministri pretendoi në nisje të vitit “Se për 2024 kishte rritje të prenotimeve në krahasim me 2023 në vend” dhe madje ishin mbyllur rezervime edhe për vitin 2025, ndërkohë që vetëm pak javë më parë udhëzonte operatorët turistik vlonjat që të ulnin çmimet pasi plazhet ishin bosh.

Shqipëria deri para pak ditësh nuk kishte një Strategji për zhvillimin e sektorit të turizmit të qëndrueshëm 2024-2030, por një strategji deri në vitin 2023. Ndonëse Ministria e Turizmit e kishte premtuar atë muaj më parë.

Mesdheu këtë vit do të vizitohet nga mbi 500 miljon turist dhe vetëm dy vëndet fqinje, Greqia dhe Kroacia tërheqin rreth 10 % të këtyre vizitorëve, ndërkohë që Shqipëria nuk tërheq dot as 1 % të tyre.

Sipas Ministres së Turizmit, qeveria shqiptare ishte e kënaqur që bashkëkombësve tanë, shqiptarëve të Kosovës u ishin liberalizuar vizat, duke shpresuar gjithsesi të vizitonin bregdetin tonë, ndërkohë nga ana tjetër kjo qeveri ka gjobitur me dy taksa shqiptarët e veriut, që kërkojnë të aksesojnë plazhet e vendit!

Ministria e 800 tonëvë mbetje të rrezikshme, deklaroi se impiantet e filtrimit të ujrave të ndotura që janë në Shqipëri, nuk i përballojnë kapacitetet e shtuara të qyteteve. Pyetja e parë që me vjen ndërmend është pse nuk investohet në këtë drejtim? Por rrezikojnë shëndetin e fëmijëve dhe pushuesve që lahen nëpër plazhe, duke e cuar Shqipërinë në vëndin e fundit në rajon dhe Europë, për cilësinë e ujrave detare.

Këtë na e vërteton edhe raporti i Agjensisë Europiane të Mjedisit (European Environment Agency) për cilësinë e ujrave detare, ku nga 29 vënde të rajonit dhe Europës, Shqipëria është e pozicionuar në vëndin e 29, pra vëndin e fundit. https://www.eea.europa.eu/.../european-bathing-water.../

Që Shqipëria të shndërrohet në një atraksion turistik, kërkohet më shumë së letra strategjish dhe zotimesh televizive. Kërkohet ndjenja kombëtare dhe vullneti për ta bërë Shqipërinë një vend, jo vetëm të jetueshëm, por me standardet e shteteve Europiane./ CNA





Lajmet e fundit nga