E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Denoncimi-Skandal në Bashkinë e Tropojës/ Zv.kryetarja i rrit pagën vetes, miliona lekë borxhe shtetit

5 Nëntor 2024, 12:33, Denoncim CNA

Denoncimi-Skandal në Bashkinë e Tropojës/ Zv.kryetarja i rrit

Bashkia e Tropojës

Një tjetër denoncim për Bashkinë e Tropojës ka mbërritur pranë redaksisë së CNA-së.

Denoncimi është bërë për zëvendëskryetaren e bashkisë, Zyra Islamaj, e cila aktualisht po kryen detyrën e Rexhë Byberit, i cili ndodhet në arrest shtëpie për akuzat për shpërdorim detyre për dy projekte ndërtimi rrugësh, duke i shkaktuar buxhetit të shtetit një dëm prej 277 milionë lekësh.

Në datën 31.10.2024, zëvendëskryetarja e Bashkisë Tropojë, Zyra Islamaj, ka dërguar për miratim shtesën e pagave për Bashkinë Tropojë në Këshillin Bashkiak.

Islamaj ka propozuar paga maksimale për kryetarin e bashkisë 240,000 lekë, një kryetar që është në arrest shtëpie dhe akuzohet për shpërdorim detyre, si Rexhë Byberi dhe për veten e saj ka kërkuar shtesë të pagës me vlerën 185,000 lekë në muaj.

Kjo kërkesë vjen në një kohë kur Bashkia Tropojë është një nga 10 bashkitë me borxhet më të mëdha dhe një ndër bashkitë më të varfra.

Pranë redaksisë së CNA-së kanë mbërritur dhe dokumentet, ku denoncuesi tregon se Bashkia e Tropojës nuk shlyen detyrimet.

Hartohen grafikë për shlyerje të stokut të borxheve dhe më pas shtyhen në kohë dhe nuk shlyhen asnjëherë.

Dokumentet tregojnë se deri në muajin qershor të vitit 2024, Bashkia Tropojë ka 45 milionë lekë të rinj borxhe.

Sipas denoncimit, grafiku është hartuar për shlyerje vetëm të 38 milionë lekëve të rinj borxhe, por një pjesë e mirë nuk raportohen sepse fshihen nga zëvendëskryetarja në mënyrë që Ministria e Financave të mos marrë në administrim Bashkinë Tropojë.

Shtesa e fondit që kërkohet për pagat është 146 milionë me të cilat bashkia do të shlyente gjysmën e detyrimeve.

Pra, Bashkia e Tropojës gjen para për shtesë page për kryetarin dhe zëvendëskryetaren dhe nuk gjen para për të shlyer borxhet apo për të bërë ndonjë investim për uljen e varfërisë në këtë zonë./ CNA